ലണ്ടൻ: ഇംഗ്ലീഷ് പ്രീമിയർ ലീഗിൽ വോൾവ്‌സിനെതിരെ ആഴ്‌സനലിന് തകർപ്പൻ വിജയം. ആഴ്സണൽ ഗ്രൗണ്ടായ എമിറേറ്റ്‌സിൽ നടന്ന കളിയിൽ എതിരില്ലാത്ത രണ്ട് ഗോളുകൾക്കായിരുന്നു വിജയം.
ആദ്യ പകുതി മന്ദഗതിയിലാണെങ്കിലും പന്തടക്കത്തിൽ ആതിഥേയർ മുൻതൂക്കം നിലനിർത്തി. ഇതിന്റെ ഫലമായി പന്തിന്റെ 25-ആം മിനിറ്റിൽ ആഴ്‌സനൽ ലീഡ് നേടി. ബുക്കായോ സാകയുടെ പാസിൽ കായ് ഹാവെർട്സിന്റെ ഹെഡറിലൂടെയാണ് ആദ്യ ഗോൾ നേടിയത്.
രണ്ടാം പകുതിയിലും ആഴ്‌സനലിന്റെ ആക്രമണം തുടർന്നു. ഇതോടെ, 74-ആം മിനിറ്റിൽ സാകയുടെ തകർപ്പൻ ഗോളിൽ ലീഡ് 2-0 ആക്കി ഉയർത്തി. ഈ ഗോളിന് അസിസ്റ്റ് ചെയ്തത് ജർമൻ താരം ഹാവെർട്സായിരുന്നു.
Starting as we mean to go on 💪 pic.twitter.com/Jfs5vUAZK8
— Arsenal (@Arsenal) August 17, 2024
ഈ വിജയത്തോടെ ആഴ്‌സനൽ പുതിയ സീസണിന് മികച്ച തുടക്കമാണ് നൽകിയത്. അടുത്ത മത്സരം ആഴ്സണലിന് വെല്ലുവിളിയാണ്. ആഗസ്റ്റ് 24-ന് നടക്കുന്ന മത്സരത്തിൽ ആസ്റ്റൺ വില്ലയെ വില്ല പാർക്കിൽ വെച്ച് നേരിടും. കഴിഞ്ഞ പ്രീമിയർ ലീഗ് സീസണിൽ ഹോമിലും എവേയിലും ആഴ്സണൽ വില്ലയോട് തോറ്റിരുന്നു.
Read Also: സലാഹ് റെക്കോർഡ്! ഇപ്സിച്ചിനെതിരെ ലിവർപൂൾ വിജയത്തുടക്കം
EPL, 1st round
Arsenal – Wolverhampton 2:0
Goals: Havertz, 25, Saka, 74