റിയാദ്: സൗദി സൂപ്പർ കപ്പിന്റെ രണ്ടാം സെമി ഫൈനലിൽ അൽ നാസറിന് തകർപ്പൻ ജയം. അൽ താവൂനെതിരെ എതിരില്ലാത്ത 2 ഗോളുകൾക്ക് വിജയിച്ചാണ് അൽ നാസറിന്റെ ഫൈനൽ പ്രവേശനം.
മത്സരത്തിന്റെ എട്ടാം മിനിറ്റിൽ അയ്മൻ യാഹിയുടെ ഗോളിലൂടെയാണ് അൽ നാസർ ലീഡ് നേടിയത്. ഗോളിന് അസിസ്റ്റ് ചെയ്തത് മറ്റാരുമല്ല, ലോക ഫുട്ബോളിന്റെ ഇതിഹാസം ക്രിസ്റ്റ്യാനോ റൊണാൾഡോ തന്നെ. ആദ്യ പകുതിയുടെ തുടക്കത്തിൽ തന്നെ റൊണാൾഡോയുടെ ഗോളിലൂടെ ലീഡ് ഇരട്ടിയാക്കി.
Read Also: റയൽ മാഡ്രിഡ് vs അറ്റലാന്റ യുവേഫ സൂപ്പർ കപ്പ് പോരാട്ടം! എംബാപ്പെ ഇന്നിറങ്ങും
2-0 എന്ന സ്കോർ ലൈൻ അവസാനം വരെ നിലനിർത്തി അൽ നസ്ർ ഫൈനലിലേക്ക് കുതിച്ചു. അവസാന നിമിഷം ബ്രോസോവിച്ചിന് ചുവപ്പ് കാർഡ് നേടി പുറത്തായി. ഫൈനലിൽ അൽ ഹിലാൽ ആണ് അൽ നാസറിന്റെ എതിരാളി.
ഈ വിജയത്തോടെ ക്രിസ്റ്റ്യാനോ റൊണാൾഡോ തന്റെ പ്രൊഫഷണൽ കരിയറിലെ 23ആം സീസണിലും ഗോൾ നേടിയ റെക്കോർഡ് സ്ഥാപിച്ചു. ഇതോടെ തന്റെ കരിയറിലെ 253-ആം അസിസ്റ്റും റൊണാൾഡോ പൂർത്തിയാക്കി.
സൗദി സൂപ്പർ കപ്പ് – സെമിഫൈനൽ
അൽ താവൂൺ 0-2 അൽ നാസർ
ഗോൾ: അയ്മൻ യാഹിയ (8′), ക്രിസ്റ്റ്യാനോ റൊണാൾഡോ (57′)