ഇന്നലെ നടന്ന പ്രൊഫഷണൽ ഫുട്ബോൾ അസോസിയേഷൻ (PFA) അവാർഡ് ചടങ്ങിൽ ഇംഗ്ലീഷ് ഫുട്ബോളിന്റെ മികച്ച താരങ്ങളെ തിരഞ്ഞെടുത്തു.
കഴിഞ്ഞ സീസണിലെ മികച്ച താരങ്ങളെ തിരഞ്ഞെടുത്ത് പുരസ്കാരം നൽകിയതോടൊപ്പം, വർഷത്തിലെ മികച്ച ഇലവൻ താരങ്ങളുടെ പട്ടികയും പുറത്തിറക്കി. ആഴ്‌സണലിൽ നിന്ന് അഞ്ചും മാഞ്ചസ്റ്റർ സിറ്റിയിൽ നിന്ന് നാലും താരങ്ങൾ ഇടം നേടി.
- ഗോൾക്കീപ്പർ: ഡേവിഡ് റയ്യ (ആർസണൽ)
- ഡിഫെൻഡർമാർ: കൈൽ വാക്കർ (മാൻസിറ്റി), വെർജിൽ വാൻ ഡൈക്ക് (ലിവർപൂൾ), വില്ല്യാം സാലിബ, ഗബ്രിയേൽ മാഗൽഹായ്സ് (ഇരുവരും ആർസണൽ)
- മിഡ്ഫീൽഡർമാർ: റോഡ്രി (മാൻസിറ്റി), ഡെക്ലാൻ റൈസ്, മാർട്ടിൻ ഒഡെഗാർഡ് (ഇരുവരും ആർസണൽ)
- ഫോർവേഡ്മാർ: ഫിൽ ഫോഡൻ, എർലിംഗ് ഹാലൻഡ് (ഇരുവരും മാൻസിറ്റി), ഒല്ലി വാട്കിൻസ് (ആസ്റ്റൺ വില്ല)
വർഷത്തിലെ മികച്ച യുവതാരത്തിനുള്ള പുരസ്കാരം (PFA Young player of the year) ചെൽസിയുടെ താരം കോൾ പാൽമറിന് ലഭിച്ചു. കഴിഞ്ഞ സീസണിൽ 33 മത്സരങ്ങളിൽ നിന്ന് 22 ഗോളും 11 അസിസ്റ്റും നൽകിയ താരമാണ് കോൾ പാൽമർ.
അതേസമയം വർഷത്തിലെ മികച്ച താരത്തിനുള്ള പുരസ്കാരം (PFA player of the year) മാൻസിറ്റിയുടെ ഫിൽ ഫോഡന് ലഭിച്ചു. 35 മത്സരങ്ങളിൽ നിന്ന് 19 ഗോളും 8 അസിസ്റ്റും നൽകിയ താരമാണ് ഫിൽ ഫോഡൻ.
advertisement