ഇന്റർകോണ്ടിനെന്റൽ കപ്പിന് തയ്യാറായി ഇന്ത്യ! ആദ്യ മത്സരം മൗരിഷ്യസിനെതിരെ

ഇന്ത്യൻ ഫുട്ബോൾ ടീം 2024 ഇന്റർകോണ്ടിനെന്റൽ കപ്പിന്റെ ആദ്യ മത്സത്തിൽ മൗരിഷ്യസിനെ ചൊവ്വാഴ്ച, സെപ്റ്റംബർ 3-ന് നേരിടും.

ജിഎംസി ബാലയോഗി അത്‌ലറ്റിക് സ്റ്റേഡിയത്തിൽ നടക്കുന്ന ഇന്ത്യ vs മൗരിഷ്യസ് ഇന്റർകോണ്ടിനെന്റൽ കപ്പ് 2024 മത്സരം ഇന്ത്യൻ സമയം രാത്രി 7:30 മണിക്ക് ആരംഭിക്കും.

ഓൾ ഇന്ത്യ ഫുട്ബോൾ ഫെഡറേഷൻ സംഘടിപ്പിക്കുന്ന ഇന്റർകോണ്ടിനെന്റൽ കപ്പിന്റെ നാലാം പതിപ്പിൽ, നിലവിലെ ചാമ്പ്യൻമാരായ ഇന്ത്യ പുതിയ പരിശീലകനായ മാനോലോ മാർക്വെസിന്റെ നേതൃത്വത്തിലെ ആദ്യ മത്സരത്തിനാണ് ഇറങ്ങുന്നത്.

മൗരിഷ്യസിന് ശേഷം, ഇന്ത്യൻ ഫുട്ബോൾ ടീം സെപ്റ്റംബർ 9-ന് തിങ്കളാഴ്ച ഇതേ സ്റ്റേഡിയത്തിൽ നടക്കുന്ന മൂന്ന് രാജ്യങ്ങളുടെ ടൂർണമെന്റിൽ സിറിയയെ നേരിടും.

പരിശീലകൻ മാർക്വെസ് അടുത്തിടെ ഇന്റർകോണ്ടിനെന്റൽ കപ്പ് 2024-ന് 26 അംഗങ്ങളുള്ള ഒരു സാധ്യത ടീമിനെ പ്രഖ്യാപിച്ചിരുന്നു. ഇതിൽ കിയാൻ നാസിരി, എഡ്മണ്ട് ലാൽരിൻഡിക, ലാൽതാഥാങ്ക കാവ്ല്‍ഹ്രിംഗ് എന്നിവർ അൺകാപ്പഡ് താരങ്ങളായി ഉൾപ്പെടുത്തിയിട്ടുണ്ട്.

ഗോൾകീപ്പർ ഗുർപ്രീത് സിംഗ് സന്ധു, ഡിഫെൻഡർമാർ രാഹുൽ ഭേക്കെ, അൻവർ അലി, മിഡ്ഫീൽഡർമാർ ജീക്‌സൺ സിംഗ്, അനുരുദ്ധ് ഥാപ്പ എന്നിവരും മുന്നേറ്റത്തിൽ അബ്ദുൽ സഹൽ സാമദ്, ലാൽരിൻസുല ചാങ്‌റ്റെ എന്നിവരും സുനിൽ ചെത്രിക്ക് ശേഷമുള്ള ബ്ലൂ ടൈഗേഴ്‌സിന് നേതൃത്വം നൽകും.

ഇന്ത്യയുടെ മുൻനിര ഗോളടിക്കാരനും ഇന്റർനാഷണൽ തലത്തിൽ ഗോളടിക്കാരുടെ പട്ടികയിൽ നാലാം സ്ഥാനത്തുള്ള സുനിൽ ഛേത്രി 2024 ജൂണിൽ അന്തർദേശീയ ഫുട്ബോളിൽ നിന്ന് വിരമിച്ചിരുന്നു.

11 മത്സരങ്ങളിൽ നിന്ന് 13 ഗോളുകൾ നേടിയ ഛേത്രി തന്നെയാണ് ഇന്റർകോണ്ടിനെന്റൽ കപ്പിന്റെ ചരിത്രത്തിലെ ഏറ്റവും ഉയർന്ന ഗോളടിക്കാരൻ.

ഫിഫയുടെ ഏറ്റവും പുതിയ ലോക ഫുട്ബോൾ റാങ്കിംഗ് പട്ടികയിൽ ഇന്ത്യ 124-ാം സ്ഥാനത്തും മൗരിഷ്യസ് 179-ാം സ്ഥാനത്തുമാണ്. ഇന്റർകോണ്ടിനെന്റൽ കപ്പ് 2024-ൽ ഏറ്റവും ഉയർന്ന റാങ്കുള്ള ടീമായ സീറിയ 93-ാം സ്ഥാനത്താണ്.

2017-ൽ മൗരിഷ്യസിനെ ഒരു സൗഹൃദ മത്സരത്തിൽ മാത്രമേ ഇന്ത്യ നേരിട്ടിട്ടുള്ളൂ. അന്ന് ബ്ലൂ ടൈഗേഴ്‌സ് 2-1 ഗോളുകൾക്ക് വിജയിച്ചിരുന്നു.

ഇന്ത്യ vs മൗരിഷ്യസ് ഇന്റർകോണ്ടിനെന്റൽ കപ്പ് 2024 ലൈവ് സ്ട്രീമിംഗ്, ടെലികാസ്ററ്

ഇന്ത്യ vs മൗരിഷ്യസ് ഇന്റർകോണ്ടിനെന്റൽ കപ്പ് 2024 മത്സത്തിന്റെ ലൈവ് സ്ട്രീമിംഗ് ഇന്ത്യയിൽ ജിയോ സിനിമ ആപ്പ് വെബ്‌സൈറ്റിൽ ഇന്ത്യൻ സമയം രാത്രി 7:30 മണി മുതൽ ലഭ്യമാകും.

ഇന്ത്യ vs മൗരിഷ്യസ് ഇന്റർകോണ്ടിനെന്റൽ കപ്പ് 2024 മത്സരം ഇന്ത്യയിൽ സ്‌പോർട്‌സ്18 നെറ്റ്‌വർക്ക് ടിവി ചാനലുകളിൽ ലൈവ് പ്രക്ഷേപണം ചെയ്യപ്പെടും.