ക്ലബ് ബ്രൂഗെയുടെ 18 വയസ്സുള്ള വിംഗർ ജെസ്സി ബിസിവുവിനെ സൈൻ ചെയ്യാനുള്ള നടപടികളുമായി ബാഴ്‌സലോണ മുന്നോട്ട് പോകുന്നുവെന്ന് ഫ്ലോറിയൻ പ്ലെറ്റൻബെർഗ് റിപ്പോർട്ട് ചെയ്യുന്നു.

2027 വരെ ക്ലബ്ബുമായി കരാറുള്ള താരം ബാഴ്‌സലോണയിലേക്കുള്ള മാറ്റത്തിന് സന്നദ്ധനാണ്. നിലവിൽ ഇരു ക്ലബ്ബുകളും തമ്മിലുള്ള ചർച്ചകൾ നടന്നു വരികയാണ്.

ബാഴ്‌സലോണയുടെ സ്കൗട്ടിംഗ് ചീഫ് ജോവോ അമരൽ സ്വിറ്റ്സർലൻഡിലേക്ക് യാത്ര തിരിച്ചു. ബ്രൂഗെ അധികൃതരെ നേരിൽ കണ്ട് ക്ലബ്ബിന്റെ താല്പര്യം അദ്ദേഹം അറിയിക്കും.

ഈ ട്രാൻസ്ഫർ നടപടികൾ വേഗത്തിലാക്കാൻ സ്പോർട്ടിംഗ് ഡയറക്ടർ ഡെക്കോയുടെ നേതൃത്വത്തിൽ ബ്രസ്സൽസിൽ വെച്ച് നേരത്തെ തന്നെ ചർച്ചകൾ നടത്തിയിരുന്നു.

ആദ്യം ബിസിവുവിനെ റിസർവ് ടീമിൽ ഉൾപ്പെടുത്താനാണ് ബാഴ്‌സലോണയുടെ പദ്ധതി. ക്ലബ്ബിന്റെ ശൈലിയുമായി പൊരുത്തപ്പെട്ട ശേഷം താരത്തെ പ്രധാന ടീമിലേക്ക് ഉയർത്താനാണ് ബാഴ്‌സ ലക്ഷ്യമിടുന്നത്.