കൊൽക്കത്ത: 2024 ഡ്യൂറൻഡ് കപ്പിന്റെ ഫൈനലിൽ മോഹൻ ബഗാൻ സൂപ്പർ ജയന്റ് നോർത്ത്ഈസ്റ്റ് യുണൈറ്റഡ് എഫ്സിയെ നേരിടും. ശനിയാഴ്ച, ഓഗസ്റ്റ് 31-ന് വൈകീട്ട് 5:30ന് കൊൽക്കത്തയിലെ ഐക്കണിക് സാൾട്ട് ലേക്ക് സ്റ്റേഡിയത്തിൽ നടക്കുന്ന ഫൈനൽ സോണി സ്പോർട്സ് നെറ്റ്വർക്കിലും സോണി ലിവ് വെബ്സൈറ്റിലും യൂട്യൂബ് ചാനലിലും ലൈവ് സംപ്രേക്ഷണം ചെയ്യും.
സെമിഫൈനലിൽ മോഹൻ ബഗാൻ ബെംഗളൂരു എഫ്സിനെ പെനാൽറ്റി ഷൂട്ടൗട്ടിൽ പരാജയപ്പെടുത്തിയാണ് ഫൈനലിൽ എത്തിയത്. നോർത്ത്ഈസ്റ്റ് യുണൈറ്റഡ് ശില്ലോം ലാജോങ്ങിനെ 3-0ന് പരാജയപ്പെടുത്തി.
അതേസമയം, നിലവിലെ ഡ്യൂറൻഡ് കപ്പ് ചാമ്പ്യൻമാരായ മോഹൻ ബഗാൻ കഴിഞ്ഞ വർഷം ഈസ്റ്റ് ബംഗാളിനെ പരാജയപ്പെടുത്തിയാണ് കിരീടം നേടിയത്. നോർത്ത്ഈസ്റ്റ് യുണൈറ്റഡ് ആദ്യമായാണ് ഡ്യൂറൻഡ് കപ്പ് ഫൈനലിൽ എത്തുന്നത്.