ബെൽജിയൻ താരം ലുക്കാകുവിനെ നാപ്പോളിയിലേക്ക് ട്രാൻസ്ഫർ ചെയ്യാൻ ചെൽസി സമ്മതിച്ചിരിക്കുന്നു. 30 മില്യൺ യൂറോക്കാണ് ചെൽസിയിൽ നിന്ന് നാപോളിയിലേക്ക് എത്തുന്നത്. കൂടാതെ, ട്രാൻസ്ഫറിന്റെ ഭാഗമായി നാപ്പോളി ചെൽസിക്ക് €15 മില്യൺ യൂറോ വരെയുള്ള അഡ്-ഓണുകൾ നൽകും. മൂന്ന് വർഷത്തേക്ക് ആയിരിക്കും കരാർ.
നാപ്പോളി സ്പോർട്ടിംഗ് ഡയറക്ടർ ജിയോവാനി മന്ന ചെൽസി ഡയറക്ടർമാരുമായി വെള്ളിയാഴ്ച കൂടിക്കാഴ്ച നടത്തിയിരുന്നു. ഇത് ഈ ആഴ്ചയിലെ രണ്ടാമത്തെ കൂടിക്കാഴ്ചയായിരുന്നു. വെള്ളിയാഴ്ചയാണ് ആദ്യമായി നാപ്പോളി €30 മില്യണ് മുകളിലുള്ള ഒരു ഓഫർ നൽകാൻ തയ്യാറായത്.
🚨🔵 Romelu Lukaku to Napoli, here we go! Verbal agreement in place between clubs.
— Fabrizio Romano (@FabrizioRomano) August 23, 2024
Chelsea accept €30m fixed fee plus add-ons up to €15m for €45m potential package.
Permanent transfer brokered by Ali Barat for Epic Sports.
Lukaku will sign 3 year deal at Napoli until 2027. pic.twitter.com/Hc0pm21qZl
ആന്റോണിയോ കോണ്ടെയുടെ ടീമിനൊപ്പം വ്യക്തിഗത വ്യവസ്ഥകൾക്ക് ലുക്കാകു സമ്മതിച്ചിരുന്നു. മൂന്ന് വർഷത്തെ കരാറിൽ ആയിരിക്കും നാപോളിയുമായി കരാറിൽ ഒപ്പ് ഇടുക.
നാപ്പോളി ലുക്കാകുവിന്റെ കരിയറിൽ ഇതുവരെ പ്രതിനിധീകരിക്കുന്ന മൂന്നാമത്തെ സീരിയേ ക്ലബ്ബാകും. ഇതിനുമുമ്പ് ഇന്ററിലും റോമയിലും താരം കളിച്ചിരുന്നു.