മാഞ്ചസ്റ്റർ യുണൈറ്റഡ് ക്യാപ്റ്റൻ ബ്രൂണോ ഫെർണാണ്ടസിന് ദീർഘകാല പകരക്കാരനായി മോർഗൻ ഗിബ്സ്-വൈറ്റിനെ പരിഗണിക്കണമെന്ന് നിർദ്ദേശം. മുൻ ഇംഗ്ലണ്ട് സ്ട്രൈക്കർ ടെഡി ഷെറിങ്ഹാമാണ് ഇക്കാര്യം വ്യക്തമാക്കിയത്.

ഈ മിഡ്ഫീൽഡറുടെ കളിയുടെ ശൈലിയും മാനസികാവസ്ഥയും ഉയർന്ന തലത്തിലുള്ള ഫുട്ബോളിന് അനുയോജ്യമാണെന്ന് ഷെറിങ്ഹാം വിശ്വസിക്കുന്നു. ഭാവിയിൽ ഓൾഡ് ട്രാഫോർഡിലേക്കുള്ള ഒരു മാറ്റത്തിന് അദ്ദേഹം പാകപ്പെട്ട താരമാണെന്നും അദ്ദേഹം അഭിപ്രായപ്പെട്ടു.

“ഞാൻ ഒരു പേര് പറയുകയാണെങ്കിൽ അത് മോർഗൻ ഗിബ്സ്-വൈറ്റ് ആയിരിക്കും. കഴിഞ്ഞ സീസണിന്റെ അവസാനത്തിൽ ടോട്ടൻഹാം അദ്ദേഹത്തെ സ്വന്തമാക്കാൻ ശ്രമിച്ചപ്പോൾ അവർക്ക് അത് ഗുണകരമാകുമായിരുന്നു എന്നാണ് ഞാൻ കരുതുന്നത്.”

“ആ സമയത്ത് ടോട്ടൻഹാമിനായി ആ നീക്കത്തെക്കുറിച്ച് ഞാൻ വളരെയധികം ആവേശഭരിതനായിരുന്നു. അർപ്പണബോധത്തോടെ കളിക്കുന്ന താരമാണ് അദ്ദേഹം. തനിക്ക് എന്താണ് ചെയ്യാൻ കഴിയുക എന്ന് കളിക്കളത്തിൽ തെളിയിക്കാൻ അദ്ദേഹം ആഗ്രഹിക്കുന്നു. മികച്ച കായികക്ഷമതയും അദ്ദേഹത്തിനുണ്ട്. കൂടുതൽ മികച്ച താരമായി മാറാനുള്ള അദ്ദേഹത്തിന്റെ ആഗ്രഹം എല്ലാവർക്കും കാണാൻ സാധിക്കും. അദ്ദേഹം ഒരു വലിയ ക്ലബ്ബിൽ കളിക്കേണ്ട താരമാണ്.”

“യുണൈറ്റഡ് താരങ്ങൾക്കൊപ്പം അദ്ദേഹം നന്നായി ഇണങ്ങിചേരുമെന്നും” ഷെറിങ്ഹാം പറഞ്ഞു.