ഫുട്ബോളിന് 160 വർഷത്തിലേറെ പഴക്കമുണ്ടെങ്കിലും, ഇപ്പോഴും അതിൽ അവിശ്വസനീയമാംവിധം അപൂർവവും അസാധാരവുമായ നിമിഷങ്ങൾ ഉണ്ടാകാറുണ്ട്.
ഉദാഹരണത്തിന് അർജന്റീനയിൽ, ഒരിക്കലും സ്വന്തമാകാത്ത ഒരു കിരീടം ആഘോഷിക്കാൻ ആരാധകർ കളത്തിലിറങ്ങിയതായിരുന്നു അന്ന് കണ്ട വിചിത്രമായ സംഭവം.
പരസ്യം
എന്നാൽ ഏറ്റവും ക്രൂരമായ രീതിയിലാണ് ആ കിരീടം അവർക്ക് നഷ്ടപ്പെട്ടത്: മത്സരത്തിലെ അവസാന കിക്കിൽ പിറന്ന ഒരു ഗോളിലൂടെ.
വിഷമിക്കേണ്ട, വൺഫുട്ബോൾ (OneFootball) ഇത് വിശദീകരിക്കുന്നു!
ശനിയാഴ്ച (7), ഡി മരിയയുടെ റൊസാരിയോ സെൻട്രൽ സ്വന്തം തട്ടകത്തിൽ എസ്റ്റുഡിയന്റസ് റിയോ ക്വാർട്ടോയെ 2–0 ന് പരാജയപ്പെടുത്തി. തുടർന്ന് തങ്ങൾ അർജന്റീന ലീഗ് കിരീടം (ടോർണിയോ അപ്പർചുറ, ടോർണിയോ ക്ലോസുറ എന്നിവയിലുടനീളം ഏറ്റവും കൂടുതൽ പോയിന്റ് നേടുന്നവർക്ക് വാർഷിക ചാമ്പ്യൻഷിപ്പ് നൽകുന്നു) നേടിയെന്ന് കരുതി ‘കനല്ലസ്’ ആരാധകർ ഗ്രൗണ്ടിലേക്ക് ഇരച്ചുകയറി.
എന്നാൽ പ്രശ്നം ലെജൻഡറി ലാ ബോംബൊനെറ സ്റ്റേഡിയത്തിൽ ആയിരുന്നു. അവിടെ എണ്ണർ വലെൻസിയ – അതെ, അദ്ദഹം തന്നെ – മത്സരത്തിലെ അവസാന കിക്കിൽ ഗോൾ നേടി ബോക്ക ജൂനിയേഴ്സിന് ഡിഫെൻസ വൈ ജുസ്റ്റിഷ്യക്കെതിരെ 1–0ന്റെ വിജയം സമ്മാനിച്ചു. അങ്ങനെ അവർ ബോക്കയുടെ 27-ാമത് അർജന്റീന കിരീടം ഉറപ്പിച്ചു.
റൊസാരിയോയിൽ തിരിച്ചെത്തിയ ആരാധകർ – ഗ്രൗണ്ടിലേക്ക് അതിക്രമിച്ചു കയറിയവരും ജിഗന്റെ ഡി അറോയോ സ്റ്റേഡിയത്തിലെ ഗാലറിയിലുണ്ടായിരുന്നവരും – ബോക്കയുടെ ഗോൾ ഡിഫെൻസ വൈ ജുസ്റ്റിഷ്യയുടെ ഗോൾ ആണെന്ന് തെറ്റിദ്ധരിക്കുകയായിരുന്നു.
അങ്ങനെ ബോക്ക ജൂനിയേഴ്സ് 63 പോയിന്റോടെ (അപ്പർചുറയിൽ 30 ഉം ക്ലോസുറയിൽ 33 ഉം) അർജന്റീനയുടെ വാർഷിക ചാമ്പ്യന്മാരായി കിരീടം ചൂടി. റൊസാരിയോ സെൻട്രലിന് ആകട്ടെ 62 പോയിന്റ് മാത്രമാണ് ലഭിച്ചത്.
പരസ്യം
വളരെ അസാധാരടമായ ഈ സംഭവം കുപ്രസിദ്ധമായ ‘എഡെനിൽസൺ, 41 വയസ്സ്’ എന്ന നിമിഷത്തെ ഓർമ്മിപ്പിക്കുന്നതായിരുന്നു (ഇന്റർനാഷണൽ ആരാധകർ ഒരിക്കലും ഓർക്കാൻ ആഗ്രഹിക്കാത്ത ഒന്നാണത്).
