അബർടീൻ തോൽവിക്ക് പിന്നാലെ സ്റ്റീഫൻ റോബിൻസന്റെ ഭാവി അനിശ്ചിതത്വത്തിൽ
ഹിബർനിയനെതിരായ 4-0 ഗോളിന്റെ ‘അംഗീകരിക്കാനാവാത്ത’ തോൽവിയെത്തുടർന്ന് അബർടീൻ മാനേജർ സ്ഥാനത്ത് തന്റെ ഭാവി തുലാസിലായ സ്റ്റീഫൻ റോബിൻസൺ, എതിർപ്പുകൾ ഉണ്ടാകുന്നതുവരെ താൻ പോരാട്ടം തുടരുമെന്ന് വ്യക്തമാക്കി.
കടുത്ത സമ്മർദ്ദത്തിലായിരുന്ന പിട്ടോഡ്രി മാനേജർ, മത്സരത്തിന് തൊട്ടുമുമ്പ് ടേബിളിൽ ഏറ്റവും താഴെയായിരുന്ന മറീങ്ക് റീഡീക്കിന്റെ ടീമുമായുള്ള മത്സരം ജയിച്ചേ തീരൂ എന്ന് വിശേഷിപ്പിച്ചിരുന്നു.
Advertisement
എന്നാൽ ഹിബ്സിനെതിരെ പൊരുതാനാവാതെ തകർന്നടിഞ്ഞ ടീമിനെ കണ്ട്, 2 ഗോളുകൾക്ക് പിന്നിൽ നിന്നപ്പോൾ തന്നെ ഹോം ആരാധകർ സ്റ്റേഡിയം വിട്ട് പുറത്തുപോയി. നാല് ഗോളുകൾക്ക് തോൽവി ഉറപ്പായ അവസാന നിമിഷങ്ങളിൽ “രാവിലെ തന്നെ നിങ്ങളെ പുറത്താക്കും” എന്ന മുദ്രാവാക്യങ്ങൾ സ്റ്റേഡിയത്തിൽ മുഴങ്ങി. നിരാശനായ റോബിൻസൺ ടണലിലേക്ക് മടങ്ങുമ്പോൾ സ്റ്റേഡിയത്തിൽ തുടർന്ന ആരാധകർ തങ്ങളുടെ രോഷം അദ്ദേഹത്തിന് നേരെ പ്രകടിപ്പിച്ചു.
“സ്റ്റീഫൻ റോബിൻസണെ അവിടെ കാണുമ്പോൾ വഴിതെറ്റി അലയുന്ന ഒരു മനുഷ്യനെപ്പോലെയാണ് തോന്നുന്നത്,” ബിബിസി സ്പോർട്സൗണ്ടിൽ അബർടീൻ ഇതിഹാസം വില്ലി മില്ലർ പറഞ്ഞു.
തുടർന്ന് ടെലിവിഷൻ ക്യാമറകൾ സെപ്റ്റംബറിൽ നിയമിക്കപ്പെട്ട ചീഫ് എക്സിക്യൂട്ടീവ് അഡ്രിയാൻ ബെവിംഗ്ടണിലേക്ക് തിരിഞ്ഞു. ജോലി ഏറ്റെടുത്ത് ഒന്നരമാസം പിന്നിടുമ്പോൾ അദ്ദേഹത്തിന് ഒരു വലിയ തീരുമാനം എടുക്കാനുണ്ട്.
സ്കോട്ടിഷ് പ്രീമിയർഷിപ്പിലെ അവസാന അഞ്ച് മത്സരങ്ങളിൽ നാലാമത്തെ തോൽവി ഏറ്റുവാങ്ങിയ അബർടീൻ, കിൽമാർണോക്കിന് തൊട്ടുമുകളിൽ റെലിഗേഷൻ പ്ലേ-ഓഫ് സ്ഥാനത്തേക്ക് പിന്തള്ളപ്പെട്ടു.
Advertisement
“ഇതിന്റെ പ്രത്യാഘാതങ്ങൾ എന്താണെന്ന് എനിക്കറിയില്ല, ആ തീരുമാനം ഞാൻ എടുക്കുന്നതല്ല,” മത്സരശേഷം റോബിൻസൺ പറഞ്ഞു. “മറ്റെന്തെങ്കിലും നിർദ്ദേശം ലഭിക്കുന്നത് വരെ ഞാൻ അബർടീൻ മാനേജരാണ്, അതുവരെ ഞാൻ പോരാടിക്കൊണ്ടേയിരിക്കും.
“ഈ പ്രകടനം അംഗീകരിക്കാനാവില്ല, ഈ ഫലവും അംഗീകരിക്കാനാവില്ല.
“ഇതാണ് ഈ സീസണിന്റെ കഥ – നിങ്ങൾ അവസരങ്ങൾ മുതലെടുത്തില്ലെങ്കിൽ, മത്സരങ്ങൾ തോൽക്കും. അവർക്ക് അഞ്ച് അവസരങ്ങൾ ലഭിച്ചു, അതിൽ നാലെണ്ണം ഗോളാക്കി മാറ്റുകയും ചെയ്തു. അതാണ് വ്യത്യാസം.”
മുൻ സെൽട്ടിക് സ്ട്രൈക്കർ ക്രിസ് സട്ടൺ പറയുന്നത് ഈ ക്ലബ്ബും ഈ ജോലിയും അദ്ദേഹത്തിന് താങ്ങാൻ കഴിയുന്നതിലും വലുതാണെന്ന് തോന്നുന്നു എന്നാണ്. 51 കാരനായ അദ്ദേഹം “മാന്യമായി പടിയിറങ്ങണം” എന്ന് നിർദ്ദേശിച്ച സട്ടൺ, ആത്യന്തികമായി “അദ്ദേഹം പുറത്താക്കപ്പെടാനാണ് സാധ്യത” എന്നും കൂട്ടിച്ചേർത്തു.
Advertisement
മോശം റിക്രൂട്ട്മെന്റും ‘പ്രധാന പ്രശ്നങ്ങളും’
മത്സരത്തിന് മുമ്പ്, തങ്ങൾ നേരിടാൻ പോകുന്ന സാഹചര്യത്തിന്റെ വ്യാപ്തിയെക്കുറിച്ച് കളിക്കാർക്ക് അറിയാമെന്ന് അബർടീൻ ഹെഡ് കോച്ച് വ്യക്തമാക്കിയിരുന്നു.
എന്നാൽ കളിക്കളത്തിൽ അത് കണ്ടില്ല. നിറംമങ്ങിയ പ്രകടനം കാഴ്ചവെച്ച അവർ, ചില മികച്ച അവസരങ്ങൾ പാഴാക്കുകയും രണ്ടാം പകുതിയിൽ പൂർണ്ണമായി തകരുകയും ചെയ്തു.
“ഇത് തീർത്തും ലജ്ജാകരമാണ്,” മില്ലർ പറഞ്ഞു.
“അവരുടെ മുഖത്ത് രക്തയോടില്ലാതെ അവരെ കാണാൻ വല്ലാത്ത വിഷമമുണ്ട്. ഫാൽകിർക്കുമായുള്ള മത്സരത്തിലെ തോൽടവിക്ക് [1-0 ഹോം തോൽവി] ശേഷം റോബിൻസൺ വല്ലാതെ വിഷമിച്ചിരുന്നു, എന്നാൽ ഇത് അതിനേക്കാൾ പത്തിരട്ടി മോശമാണ്, അതിനാൽ അദ്ദേഹം ഇതിനെ എങ്ങനെ നേരിടുമെന്ന് എനിക്കറിയില്ല.”
മാർച്ചിൽ ചുമതലയേറ്റ റോബിൻസൺ, 21 ലീഗ് മത്സരങ്ങളിൽ ആറെണ്ണത്തിൽ മാത്രമാണ് വിജയിച്ചത്, 11 എണ്ണത്തിൽ തോറ്റു. കഴിഞ്ഞ സീസണിൽ അദ്ദേഹം ടീമിനെ ലീഗിൽ പിടിച്ചുനിർത്തുകയും റെലിഗേഷൻ ഭീഷണിയിൽ നിന്ന് രക്ഷിക്കുകയും ചെയ്തിരുന്നു, എന്നാൽ വീണ്ടും അതേ അപകടഘട്ടം മുന്നിൽ കാണാൻ തുടങ്ങിയിരിക്കുന്നു.
Advertisement
“അദ്ദേഹം ഇപ്പോൾ ടീമിൽ വലിയ മാറ്റങ്ങൾ വരുത്തിയിട്ടുണ്ട്,” മില്ലർ പറഞ്ഞു. വേനൽക്കാലത്ത് പതിനഞ്ച് കളിക്കാർ കരാർ ഒപ്പിട്ടു. എന്നാൽ ചുരുക്കം ചിലർ മാത്രമാണ് നല്ല രീതിയിൽ തിളങ്ങിയത്.
“റിക്രൂട്ട്മെന്റ് വളരെ പ്രധാനമാണ്, പ്രകടനങ്ങൾ പരിശോധിക്കുമ്പോൾ റിക്രൂട്ട്മെന്റ് മോശമാണെന്ന് കാണാം. കളിക്കാർ നിലവാരത്തിലുള്ളവരല്ല, ഈ ലെവലിൽ കളിക്കാനും വലിയ പ്രതീക്ഷകൾ കൈകാര്യം ചെയ്യാനും അവർക്ക് കഴിയുന്നില്ല,” മില്ലർ കൂട്ടിച്ചേർത്തു.
“ഞാൻ കിരീടങ്ങളെക്കുറിച്ചല്ല പറയുന്നത്, ആദ്യ ആറ് സ്ഥാനങ്ങളിൽ എത്തുന്നതിനെക്കുറിച്ചാണ്, എന്നാൽ അവർ അതിനടുത്തൊന്നും എത്തിയിട്ടില്ല. ഗൗരവകരമായ പ്രശ്നങ്ങളാണ് ഇവിടെ പരിഹരിക്കപ്പെടേണ്ടത്.”
അബർടീൻ റോബിൻസണെ ഒഴിവാക്കുകയാണെങ്കിൽ, 2021-ൽ ഡെറക് മക്ഇന്നസ് ക്ലബ് വിട്ടതിനു ശേഷമുള്ള അവരുടെ ആറാമത്തെ മാനേജർ മാറ്റമായിരിക്കും ഇത്.
Advertisement
“[അദ്ദേഹത്തിന് ഇതിൽ നിന്ന് രക്ഷപ്പെടാൻ കഴിയുമോ എന്ന്] എനിക്കറിയില്ല,” മില്ലർ കൂട്ടിച്ചേർത്തു. “അവർക്ക് ഒരു കപ്പ് ഫൈനലിൽ എത്താൻ അവസരം ലഭിച്ചിരുന്നു. അവർ അത് തോറ്റു, തുടർന്ന് ലീഗിൽ അവസാന സ്ഥാനത്തുള്ള ടീമിനോട് 4-0 ന് പരാജയപ്പെട്ടു. ഇതെല്ലാം കൂടിച്ചേരുമ്പോൾ ഈ വാരാന്ത്യത്തിൽ വലിയ തീരുമാനങ്ങൾ എടുക്കേണ്ടി വരും.”
റോബിൻസൺ അബർടീന് ‘യോജിച്ച ആളല്ല’
അബർടീൻ ഇപ്പോൾ എല്ലാ മത്സരങ്ങളിലുമായി തുടർച്ചയായി നാല് മത്സരങ്ങൾ തോറ്റു. സ്വന്തം തട്ടകത്തിൽ കളിച്ച ഏഴ് ലീഗ് മത്സരങ്ങളിൽ രണ്ടെണ്ണത്തിൽ മാത്രമാണ് അവർ ജയിച്ചത്.
പിട്ടോഡ്രിയിൽ നടന്ന അവസാന ആറ് ലീഗ് മത്സരങ്ങളിൽ അവർ നേടിയത് മൂന്ന് ഗോളുകൾ മാത്രമാണ്, അതിൽ മൂന്നും സെന്റ് മിറനെതിരായ 3-1 ജയത്തിൽ നേടിയവയാണ്. ബഡ്ഡീസിനൊപ്പം ലീഗിൽ ഏറ്റവും കുറവ് ഗോളുകൾ (12 ഗോളുകൾ) നേടിയവരുടെ പട്ടികയിലാണ് ഡോൺസ് ഉള്ളത്.
Advertisement
“റോബിൻസണിന്റെ കാര്യത്തിൽ ഇപ്പോൾ കാര്യങ്ങൾ അവസാനിച്ചുവെന്ന് തോന്നിപ്പോകുന്നു,” മുൻ സ്കോട്ലൻഡ് മിഡ്ഫീൽഡർ മൈക്കൽ സ്റ്റുവാർട്ട് പ്രീമിയർ സ്പോർട്സിൽ പറഞ്ഞു.
“ചിലപ്പോൾ മത്സരഫലങ്ങളുടെ സ്വഭാവം കാണുമ്പോൾ, അത് കാര്യങ്ങളെ തിരിച്ചുവരാത്ത അവസ്ഥയിലേക്ക് എത്തിക്കുമെന്ന് നമുക്ക് തോന്നും.”
അദ്ദേഹത്തിന്റെ സഹപ്രവർത്തകരായ അലൻ ഹട്ടണും മുൻ അബർടീൻ ഡിഫെൻഡറുമായ ചാർളി മുൽഗ്രുവും ഈ അഭിപ്രായത്തെ പിന്താങ്ങി.
“അവസാന നിമിഷങ്ങളിൽ [കളിക്കാർ] പൊരുതുന്നത് നിർത്തിയതായി എനിക്ക് തോന്നി,” അവസാന ആറ് മിനിറ്റിനുള്ളിൽ ഹിബ്സ് രണ്ട് ഗോളുകൾ നേടിയതിനെക്കുറിച്ച് ഹട്ടൺ കൂട്ടിച്ചേർത്തു. “ടീമിനെയും മാനേജരെയും കൂവുന്ന ആരാധകരുടെ പ്രതികരണം, ഒരു രാജ്യാന്തര ഇടവേളയിലേക്ക് കടക്കുമ്പോൾ നല്ലതായി തോന്നുന്നില്ല.
Advertisement
“ഞാൻ ഈ സീസണിൽ അബർടീനെ കണ്ടിട്ടുണ്ട്, അവരിൽ ഒരു വ്യക്തതയും എനിക്ക് കാണാൻ കഴിയുന്നില്ല, മുന്നോട്ട് പോകാൻ വ്യക്തമായ ഒരു പദ്ധതിയുമില്ല. ആളുകളുടെ കാര്യത്തിലും ഫോർമാേഷന്റെ കാര്യത്തിലും ഒരുപാട് മാറ്റങ്ങൾ വന്നിട്ടുണ്ട്. എന്നാൽ കളിക്കളത്തിൽ അതൊന്നും കാണുന്നില്ല, എന്തെങ്കിലും അത്ഭുതം സംഭവിക്കുമെന്ന് അവർ പ്രതീക്ഷിക്കുന്നത് പോലെയാണ് തോന്നുന്നത്.”
വടക്കൻ അയർലൻഡ്കാരനായ റോബിൻസൺ, സെന്റ് മിറുമൊത്ത് തുടർച്ചയായി മൂന്ന് തവണ ആദ്യ ആറ് സ്ഥാനങ്ങളിൽ എത്തിയതിന്റെയും ഒരു ലീഗ് കപ്പ് നേടിയതിന്റെയും മിടുക്കിലാണ് പിട്ടോഡ്രിയിലേക്ക് എത്തിയത്, എങ്കിലും ചില അബർടീൻ ആരാധകർക്കിടയിൽ അദ്ദേഹം ഒരു ജനപ്രിയ ചോയ്സ് ആയിരുന്നില്ല.
“റോബിൻസൺ അബർടീന് അനുയോജ്യനായ ആളാണെന്ന് എനിക്ക് തോന്നുന്നില്ല,” മുൽഗ്രു പറഞ്ഞു.
“അദ്ദേഹം തന്റെ സെന്റ് മിറൻ ടീമിനൊപ്പം ഉപയോഗിച്ച ശൈലി പിട്ടോഡ്രിയിലെ ആരാധകർക്ക് കളിക്കളത്തിൽ കാണാൻ ഇഷ്ടമുള്ള ഒന്നല്ല. അവർ ഇന്ന് വിംഗർമാരെ വെച്ച് പരീക്ഷണം നടത്തിയിട്ടും ഫലമൊന്നും ഉണ്ടായില്ല, അവർ വെറുതെ വിയർപ്പൊഴുക്കുകയായിരുന്നു.”
[കെവിൻ] നിസ്ബറ്റിന് അവസരങ്ങൾ ലഭിച്ചെങ്കിലും അദ്ദേഹത്തിന് ആത്മവിശ്വാസമില്ലാത്തതുപോലെയാണ് കാണപ്പെട്ടത്. റോബിൻസണിന്റെ കാര്യത്തിൽ ഇനി അവസാനമായിരിക്കും എന്ന് ഞാൻ കരുതുന്നു.”
Advertisement
ആരാധകർ എന്ത് പറയുന്നു?
കോളിൻ: ഞങ്ങൾ റെലിഗേഷനിലേക്ക് പോകുന്ന ഒരു ടീമായി മാറിക്കഴിഞ്ഞു. റോബിൻസൺ ചുമതലയേറ്റെടുക്കുന്നത് കണ്ട് ഞാൻ ആവേശഭരിതനായിരുന്നില്ലെങ്കിലും, അദ്ദേഹം ഞങ്ങളെ കഠിനാധ്വാനം ചെയ്യുന്നവരും ഒതുക്കമുള്ളവരുമാക്കുമെന്ന് ഞാൻ പ്രതീക്ഷിച്ചു. എന്നാൽ ഞങ്ങൾ ഇത്രയും അശ്രദ്ധരും നിസ്സംഗരുമായി മാറിയെന്ന് എനിക്ക് വിശ്വസിക്കാൻ കഴിയുന്നില്ല. അയൂബ് മുലൗയ ഒഴികെ, വേഗതയോ ക്രിയാത്മകതയോ ഗോളടിക്കാനുള്ള കഴിവോ എവിടെനിന്നും ഉണ്ടാകുന്നില്ല.
ബിൽ: റോബിൻസൺ ആ സമയത്തെ ഒരു പരിഭ്രാന്തിയിൽ എടുത്ത തീരുമാനമായിരുന്നു. അദ്ദേഹത്തിന് ആ നിലവാരത്തിലുള്ള ജോലി കൈകാര്യം ചെയ്യാനുള്ള കഴിവില്ലെന്ന് എപ്പോഴും വ്യക്തമാണ്, അദ്ദേഹം പോകണം. എന്നാൽ പ്രശ്നം അദ്ദേഹത്തേക്കാൾ ഉയർന്ന തലത്തിലാണ്, അത് ബോർഡ് അംഗീകരിക്കേണ്ടതുണ്ട്.
Advertisement
മൈക്കി.ഇ: ഒരേസമയം ഇത്രയധികം കളിക്കാരെ മാറ്റിയത് ഒരു തെറ്റാണ്. അത് വലിയ അപകടസാധ്യത ഉണ്ടാക്കുകയും, ഉയർന്ന ലെവലിലേക്ക് പുതിയതായി വന്ന ഒരു മാനേജരിൽ അനാവശ്യമായി കൂടുതൽ വിശ്വാസമർപ്പിക്കുകയും ചെയ്തു. അദ്ദേഹത്തിന് ഇനി അവിടെ തുടരാൻ താൽപ്പര്യമില്ലാത്തതുപോലെയാണ് തോന്നുന്നത്.
ഗ്രെയ്ഗ്: സമയം അവസാനിച്ചു, കാര്യങ്ങൾ ശരിയായി നടക്കുന്നില്ലെന്ന് വ്യക്തമാണ്. ഈ സീസണിൽ കളിക്കാരുടെ പ്രകടനത്തിൽ യാതൊരു പുരോഗതിയും ഉണ്ടായിട്ടില്ല. ഇത് റോബിൻസണിൽ മാത്രം ഒതുങ്ങുന്നതല്ല, ഡേവ് കോർമാക് ഏറ്റെടുത്ത ശേഷം മക്ഇന്നസ് ക്ലബ് വിട്ടതുമുതൽ ആറ് മാനേജർമാരായി, ഒരുപക്ഷേ ഏഴാമത്തെയാൾ വരാൻ പോകുന്നു. മുകൾത്തട്ടിൽ നിന്ന് തന്നെ ക്ലബ്ബിന്റെ ദിശയെക്കുറിച്ച് ഗൗരവകരമായ ചോദ്യങ്ങൾ ചോദിക്കേണ്ടിയിരിക്കുന്നു.
സാൻഡി: താൻ പോരാടികൊണ്ടേയിരിക്കുമെന്ന് റോബിൻസൺ പറയുന്നു, എന്നാൽ പോരാട്ടത്തിന്റെ യാതൊരു ലക്ഷണവും ഞാൻ കാണുന്നില്ല. ഡേവ് കോർമാകിന്റെ കയ്യിൽ പകരം ഒരാൾ കരുതിവെച്ചിട്ടുണ്ടാകുമെന്ന് ഞാൻ ആത്മാർത്ഥമായി പ്രതീക്ഷിക്കുന്നു, അല്ലെങ്കിൽ അടുത്ത സീസണിൽ നമ്മൾ ചാമ്പ്യൻഷിപ്പിലേക്ക് താഴേണ്ടി വരും.
