സിംഗപ്പൂരിലെ പ്രമുഖ ഫുട്ബോൾ ക്ലബ്ബായ എഫ്.സി ജുറോങ്ങിൽ ഇന്ത്യൻ കമ്പനിയായ സ്ക സ്പോർട്സ് ഇൻവെസ്റ്റ്മെൻ്റ്സ് (SkaSports) നിക്ഷേപം നടത്തി. ക്ലബ്ബിൻ്റെ മാതൃകമ്പനിയായ എൻ.എസ്.ജി ഗ്ലോബലിൽ ചെറിയൊരു ഓഹരി പങ്കാളിത്തമാണ് ഇന്ത്യൻ കമ്പനി സ്വന്തമാക്കിയത്. ഇതോടെ സിംഗപ്പൂർ പ്രീമിയർ ലീഗിലെ ഈ വമ്പൻ ക്ലബ്ബുമായി ഇന്ത്യൻ കമ്പനിക്ക് ഔദ്യോഗികമായ പങ്കാളിത്തം ലഭിച്ചു.
നിലവിൽ അൽബിറെക്സ് നിഗാറ്റ എന്ന പേരിൽ അറിയപ്പെടുന്ന ഈ ക്ലബ്ബ് 2004-ൽ സ്ഥാപിതമായതും ആറുതവണ സിംഗപ്പൂർ പ്രീമിയർ ലീഗ് ജേതാക്കളുമാണ്. 2026-27 സീസൺ മുതൽ ക്ലബ്ബ് ഔദ്യോഗികമായി ‘എഫ്.സി ജുറോങ്ങ്’ എന്ന പേരിലാകും അറിയപ്പെടുക. ജുറോങ്ങ് ഈസ്റ്റ് സ്റ്റേഡിയം ആസ്ഥാനമാക്കിയാണ് ക്ലബ്ബ് മത്സരങ്ങളിൽ പങ്കെടുക്കുന്നത്.
We are pleased to announce that we have entered into a strategic partnership with SKASports Investments Private Limited, an India-based company engaged in sports-related businesses and investments in sports assets.
More info 💬https://t.co/IPEiFrfHgS#skasports#fcjurongpic.twitter.com/B5WMlTA5SD
— Albirex Niigata FC (S) / FC Jurong (@ALB_S_FC) May 15, 2026
ഈ പങ്കാളിത്തത്തിലൂടെ ക്ലബ്ബിൻ്റെ അടിത്തറ ശക്തിപ്പെടുത്താനും സിംഗപ്പൂരിലും ഏഷ്യൻ തലത്തിലും കൂടുതൽ വളർച്ച കൈവരിക്കാനുമാണ് സ്ക സ്പോർട്സ് ലക്ഷ്യമിടുന്നത്. ജപ്പാനിലെ മികച്ച ഫുട്ബോൾ ക്ലബ്ബ് മാനേജ്മെൻ്റ് രീതികളും ഇന്ത്യയിലെ വളർന്നുവരുന്ന കായിക വിപണിയും സംയോജിപ്പിച്ച് എഫ്.സി ജുറോങ്ങിനെ കൂടുതൽ വലിയൊരു ഫുട്ബോൾ സ്ഥാപനമാക്കി മാറ്റുമെന്ന് ക്ലബ്ബ് അധികൃതർ വ്യക്തമാക്കി.