ഇറ്റാലിയൻ ക്ലബ്ബായ നാപ്പോളി തങ്ങളുടെ സ്ക്വാഡ് ശക്തിപ്പെടുത്താനുള്ള ശ്രമത്തിലാണ്. ട്രാൻസ്ഫർ വിദഗ്ധൻ മാറ്റിയോ മൊറെട്ടോയുടെ റിപ്പോർട്ട് പ്രകാരം, നാപ്പോളി ജിറോണയിലെ മിഡ്ഫീൽഡർ ഇവാൻ മാർട്ടിനെ തങ്ങളുടെ ക്ലബ്ബിലേക്ക് എത്തിക്കാനുള്ള ശ്രമത്തിലാണ്. മാർട്ടിന്റെ കരാറിൽ ഈ സമ്മറിൽ 12 മില്യൺ യൂറോയ്ക്ക് മറ്റൊരു ക്ലബ്ബിലേക്ക് പോകാനുള്ള ക്ലോസ് ഉണ്ട്.
റിലീവോയുടെ റിപ്പോർട്ട് അനുസരിച്ച്, അടുത്ത ആഴ്ചകളിൽ നാപ്പോളി മാർട്ടിന് വേണ്ടി ഓഫർ നൽകിയേക്കാം. മാർട്ടിന്റെ കരാർ ജിറോണയുമായി ഇനിയും രണ്ട് വർഷം കൂടിയുണ്ട്. ഈ ട്രാൻസ്ഫർ പൂർത്തിയായാൽ, മാർട്ടിന്റെ മുൻ ക്ലബ്ബായ വില്ലാറിയൽ ഈ ഡീലിന്റെ 30% തുക സ്വീകരിക്കും.
Also read: ഇജ്ജാതി പ്ലയെർ! സാലിബയ്ക്ക് പുതിയ റെക്കോർഡ് പിറന്നു!
നാപ്പോളി ഇതിനകം അലസാണ്ട്രോ ബുവോൺഗോ, ലിയോനാർഡോ സ്പിനസോള, റാഫ മാരിൻ എന്നിവരെ സ്വന്തമാക്കിയിട്ടുണ്ടെങ്കിലും, ഇനിയും നിരവധി മിഡ്ഫീൽഡർമാരെയും ഒരു പുതിയ വിങ്ങറേയും തേടുകയാണ്. ചെൽസിയിൽ നിന്ന് റോമേലു ലുക്കാകുവിനെ എത്തിക്കാനുള്ള ശ്രമവും തുടരുന്നു.
എന്നാൽ നാപ്പോളിയുടെ ഭാവി ഡീലുകളിൽ ഭൂരിഭാഗവും വിക്ടർ ഒസിമെന്റെ വിൽപ്പനയെ ആശ്രയിച്ചിരിക്കുന്നു.
