മാഞ്ചസ്റ്റർ സിറ്റിയുടെ താരം ജാവോ കാൻസലോയെ ടീമിൽ നിന്ന് പുറത്താക്കാൻ പരിശീലകൻ പെപ്പ് ഗാർഡിയോള തീരുമാനിച്ചിരിക്കുകയാണ്. ഈ സമ്മർ ട്രാൻസ്ഫറിൽ തന്നെ താരം ക്ലബ് വിടാൻ സാധ്യതയേറെയാണ്.
സൗദി പ്രോ ലീഗ് ചാമ്പ്യന്മാരായ അൽ ഹിലാൽ ആണ് കാൻസലോയെ ടീമിലെത്തിക്കാൻ ശ്രമിക്കുന്നത്. എന്നാൽ ഏഷ്യയിലേക്കുള്ള മാറ്റം താരത്തിന് താല്പര്യമില്ലെങ്കിലും ഗാർഡിയോളയുടെ പ്ലാനിൽ താരം ഇല്ലാത്തത് കാരണം സിറ്റി അങ്ങോട്ട് തള്ളിവിടാനാണ് ശ്രമിക്കുന്നത്.
മൂന്ന് വർഷത്തെ കരാറുമായാണ് അൽ ഹിലാൽ എത്തിയിരിക്കുകയാണ്. വർഷം 16 മില്യൺ യൂറോയാണ് താരത്തിന് വാഗ്ദാനം ചെയ്യുന്ന തുക.
കഴിഞ്ഞ സീസൺ ബാഴ്‌സലോണയിൽ ലോണിൽ കളിച്ച താരമായിരുന്നു കാൻസലോ. 42 മത്സരങ്ങളിൽ നിന്ന് നാല് ഗോളും അഞ്ച് അസിസ്റ്റും നൽകി.
ഈ സീസണിൽ അൽ നാസ്റിനെ 4-1ന് തകർത്ത് സൗദി സൂപ്പർ കപ്പ് അൽ ഹിലാൽ നേടിയിരുന്നു.
advertisement