ന്യൂകാസിൽ യുണൈറ്റഡിന്റെ പ്രകടനത്തിലെ തകർച്ചയെക്കുറിച്ച് പരിശീലകൻ എഡി ഹോവ് ക്ലബ്ബിന്റെ സൗദി അറേബ്യൻ ഉടമസ്ഥ പ്രതിനിധികളുമായി ചർച്ച നടത്തുമെന്ന് ‘ദി ഗാർഡിയൻ’ റിപ്പോർട്ട് ചെയ്യുന്നു.
കഴിഞ്ഞ 11 മത്സരങ്ങളിൽ എട്ടു തോൽവികൾ വഴങ്ങിയ സാഹചര്യത്തിലാണ് ന്യൂകാസിൽ ചെയർമാൻ യാസിർ അൽ-റുമയ്യന്റെ നേതൃത്വത്തിലുള്ള സംഘം ഹോവുമായി നേരിട്ട് കൂടിക്കാഴ്ച നടത്തുന്നത്. നിലവിൽ പ്രീമിയർ ലീഗ് പോയിന്റ് പട്ടികയിൽ 14-ാം സ്ഥാനത്താണ് ന്യൂകാസിൽ.
ഈ സീസണിന്റെ തുടക്കം മുതൽ യാസിർ അൽ-റുമയ്യൻ ടൈൻസൈഡിൽ എത്തിയിരുന്നില്ല. നിലവിലെ സാഹചര്യം അതീവ ഗൗരവകരമാണെന്നതിനാലാണ് അദ്ദേഹം നേരിട്ടെത്തുന്നത്.
സീസൺ അവസാനിക്കാൻ അഞ്ച് മത്സരങ്ങൾ മാത്രം ശേഷിക്കെ, എഡി ഹോവിനെ പുറത്താക്കാൻ സാധ്യതയില്ല. വരാനിരിക്കുന്ന സീസണിനായുള്ള റിക്രൂട്ട്മെന്റ്, പരിശീലന പദ്ധതികൾ എന്നിവ അവതരിപ്പിക്കാൻ അദ്ദേഹത്തിന് അവസരം ലഭിക്കുമെന്നാണ് പ്രതീക്ഷിക്കുന്നത്.