ഈ സീസണിന് ശേഷം മാർക്കോസ് സെനെസി ബോൺമൗത്ത് വിടുമെന്ന് ക്ലബ്ബ് ഔദ്യോഗികമായി സ്ഥിരീകരിച്ചു. ഫ്രീ ഏജന്റായാണ് താരം ക്ലബ്ബിൽ നിന്ന് പടിയിറങ്ങുന്നത്.

2022-ൽ ഫെയനൂർഡിൽ നിന്ന് ചേക്കേറിയ അർജന്റീനയുടെ സെന്റർ-ബാക്ക് താരം, ബോൺമൗത്തിനായി 124 മത്സരങ്ങളിൽ കളത്തിലിറങ്ങിയിട്ടുണ്ട്.

“ഈ ക്ലബ്ബിൽ എത്തിയ ആദ്യ ദിവസം മുതൽ തന്നെ എനിക്ക് വീടുപോലെയാണ് അനുഭവപ്പെട്ടത്,” ക്ലബ്ബിന്റെ ഔദ്യോഗിക വെബ്സൈറ്റിലൂടെ സെനെസി പ്രതികരിച്ചു.

“കഴിഞ്ഞ നാല് വർഷത്തിനിടെ നമ്മൾ കൈവരിച്ച നേട്ടങ്ങളിൽ ഞാൻ അഭിമാനിക്കുന്നു. ആരാധകർ എനിക്ക് നൽകിയ പിന്തുണയ്ക്ക് ഞാൻ നന്ദിയുള്ളവനാണ്.”

“എന്റെ ഹൃദയത്തിൽ എപ്പോഴും എഎഫ്‌സി ബോൺമൗത്തിന് പ്രത്യേക സ്ഥാനമുണ്ടാകും. ഇവിടെ ചെലവഴിച്ച സമയം സന്തോഷകരമായ ഓർമ്മയായി കൂടെയുണ്ടാകും. സീസണിൽ ഇനിയും രണ്ട് പ്രധാന മത്സരങ്ങൾ ബാക്കിയുണ്ട്. അവയിൽ നമുക്ക് മികച്ച നേട്ടങ്ങൾ കൊയ്യാനാകുമെന്ന് ഞാൻ പ്രതീക്ഷിക്കുന്നു.”

സെനെസി ടോട്ടൻഹാമിലേക്ക് ചേക്കേറാൻ ധാരണയിലെത്തിയതായാണ് വിവരം. എന്നാൽ പ്രീമിയർ ലീഗിൽ ടോട്ടൻഹാമിന്റെ സ്ഥാനം നിലനിർത്തുന്നതിനെ ആശ്രയിച്ചായിരിക്കും ഈ കരാർ പൂർത്തിയാകുക.