ടോക്ക് സ്പോർട്ടിന്റെ റിപ്പോർട്ടുകൾ പ്രകാരം, തങ്ങളുടെ സ്ട്രൈക്കറായ എലി ജൂനിയർ ക്രോപ്പിക്കായി മറ്റ് ക്ലബ്ബുകൾ നടത്തുന്ന ശ്രമങ്ങളെ ചെറുക്കാൻ ഒരുങ്ങുകയാണ് ബോൺമൗത്ത്.

19 വയസ്സുകാരനായ താരം പ്രീമിയർ ലീഗിൽ 12 ഗോളുകൾ ഇതിനകം നേടിക്കഴിഞ്ഞു. മികച്ച പ്രകടനത്തിലൂടെ ആഴ്‌സണൽ, മാഞ്ചസ്റ്റർ യുണൈറ്റഡ് തുടങ്ങിയ വമ്പൻ ക്ലബ്ബുകളുടെ ശ്രദ്ധ ആകർഷിക്കാൻ താരത്തിന് സാധിച്ചു.

എങ്കിലും ക്രോപ്പിയെ ടീമിൽ നിലനിർത്താനാകുമെന്ന ഉറച്ച വിശ്വാസത്തിലാണ് ബോൺമൗത്ത്. താരത്തിന്റെ നിലവിലെ കരാറിൽ റിലീസ് ക്ലോസ് ഇല്ലെന്നത് ക്ലബ്ബിന് അനുകൂല ഘടകമാണ്. കൂടാതെ, ഉയർന്ന ശമ്പളത്തോടെ പുതിയ കരാർ വാഗ്ദാനം ചെയ്യാനും ക്ലബ്ബ് പദ്ധതിയിടുന്നു.

13 മില്യൺ യൂറോയ്ക്ക് സ്വന്തമാക്കിയ താരത്തെ കുറഞ്ഞത് ഒരു വർഷം കൂടി ടീമിൽ നിലനിർത്താനാണ് ബോൺമൗത്ത് ലക്ഷ്യമിടുന്നത്.