ജിദ്ദ: സ്പാനിഷ് സൂപ്പർ കപ്പ് ഫൈനലിൽ ബാഴ്‌സലോണ റയൽ മാഡ്രിഡിനെ അട്ടിമറിച്ച് കിരീടം ചൂടി. രണ്ടിനെതിന്റെ അഞ്ച് ഗോളുകൾക്കായിരുന്നു ബാഴ്സയുടെ വിജയം. കിലിയൻ എംബാപ്പെ റയലിനെ മുന്നിലെത്തിച്ചെങ്കിലും ലാമിൻ യമാൽ, റാഫിഞ്ഞ, അലജാൻഡ്രോ ബാൾഡെ, റോബർട്ട് ലെവൻഡോവ്സ്കി എന്നിവർ ഗോളുകൾ നേടി ബാഴ്‌സയെ വിജയത്തിലേക്ക് നയിച്ചു.
ആദ്യ പകുതിയിൽ തന്നെ നാല് ഗോളുകൾ വഴങ്ങിയ റയൽ മാഡ്രിഡിന് വേണ്ടി എംബാപ്പെയും ഫ്രീകിക്കിലൂടെ റോഡ്രിയും ഗോൾ നേടി. 82 വർഷത്തിനിടെ ആദ്യമായാണ് എൽ ക്ലാസിക്കോയിൽ ഒരു പകുതിയിൽ ബാഴ്‌സലോണ നാല് ഗോളുകൾ നേടുന്നത് എന്ന പ്രത്യേകതയും ഈ മത്സരത്തിനുണ്ട്. 1943 ജനുവരി 10 ന് നടന്ന മത്സരത്തിലായിരുന്നു ഇതിന് മുമ്പ് ഇത് സംഭവിച്ചത്. ആദ്യ പകുതിയിൽ സ്കോർ 4-2 ആയിരുന്ന ആ മത്സരം 5-5 ന് സമനിലയിൽ അവസാനിച്ചു.
ഈ വിജയത്തോടെ ഹാൻസി ഫ്ലിക്കിന്റെ കീഴിൽ ബാഴ്‌സലോണ ആദ്യ കിരീടം നേടി. റയൽ മാഡ്രിഡിനെതിരെ തുടർച്ചയായ രണ്ടാം വിജയമാണിത്. ലാ ലിഗയിലെ മുൻ മത്സരത്തിന്റെ രണ്ടാം പകുതിയിലും റയൽ നാല് ഗോളുകൾ വഴങ്ങിയിരുന്നു എന്നത് റയലിന്റെ പ്രതിരോധത്തിലെ പിഴവുകളിലേക്ക് വിരൽ ചൂണ്ടുന്നു.