ഡയറിയോ സ്‌പോർട്ടിന്റെ റിപ്പോർട്ടുകൾ പ്രകാരം, അൽ-ഹിലാലിൽ നിന്നും ലോൺ അടിസ്ഥാനത്തിൽ കളിക്കുന്ന ജോാവോ കാൻസെലോയെ സ്ഥിരമായി സ്വന്തമാക്കാൻ ബാഴ്‌സലോണ തീരുമാനിച്ചു.

സീസണിന്റെ രണ്ടാം പകുതിയിൽ പോർച്ചുഗീസ് ഫുൾ-ബാക്ക് കാഴ്ചവെച്ച മികച്ച പ്രകടനത്തെത്തുടർന്ന് പരിശീലകൻ ഹാൻസി ഫ്ലിക്ക് ഇതിന് അന്തിമ അനുമതി നൽകി. ജർമ്മൻ പരിശീലകന്റെ കീഴിൽ മികച്ച പ്രകടനങ്ങൾ പുറത്തെടുത്ത 31-കാരനായ കാൻസെലോ ടീമിലെ സ്ഥാനം ഇതിനകം ഉറപ്പിച്ചു കഴിഞ്ഞു.

സൗദി ക്ലബ്ബായ അൽ-ഹിലാലുമായി 2027 വരെ കരാറിലുള്ള കാൻസെലോയെ വിട്ടുനൽകാൻ 16 മില്യൺ യൂറോയാണ് അവർ ആവശ്യപ്പെടുന്നത്.

അതേസമയം, വലിയ തുക നൽകാൻ ബാഴ്‌സലോണയ്ക്ക് താൽപ്പര്യമില്ല. ഇക്കാര്യം ക്ലബ്ബ് കാൻസെലോയുടെ ഏജന്റായ ജോർജ് മെൻഡസിനെ അറിയിച്ചിട്ടുണ്ട്.

കാൻസെലോ തന്റെ കരാറിലെ അവസാന വർഷം റദ്ദാക്കണമെന്നോ അല്ലെങ്കിൽ കുറഞ്ഞ ട്രാൻസ്ഫർ തുകയിൽ കാര്യങ്ങൾ ഒത്തുതീർപ്പാക്കി ക്ലബ്ബ് വിടണമെന്നുമാണ് ബാഴ്‌സലോണ ആഗ്രഹിക്കുന്നത്.

മുൻ മാഞ്ചസ്റ്റർ സിറ്റി താരത്തിന് രണ്ട് വർഷത്തെ കരാർ നൽകാൻ കാറ്റലൻ ക്ലബ്ബ് തയ്യാറാണ്.