ബാഴ്സലോണയുടെ പുതിയ ലക്ഷ്യം അലസ്സാൻഡ്രോ ബാസ്റ്റോണി; സ്വന്തമാക്കാൻ വൻ തുക ആവശ്യപ്പെട്ട് ഇൻ്റർ മിലാൻ
മാധ്യമപ്രവർത്തകനായ സച്ച തവോളിയേരിയുടെ റിപ്പോർട്ട് അനുസരിച്ച്, വേനൽക്കാലത്തെ ട്രാൻസ്ഫർ ശ്രമങ്ങൾ പരാജയപ്പെട്ടെങ്കിലും ഇൻ്റർ മിലാൻ ഡിഫൻഡർ അലസ്സാൻഡ്രോ ബാസ്റ്റോണിയെ സ്വന്തമാക്കാനുള്ള നീക്കം ബാഴ്സലോണ പൂർണ്ണമായി ഉപേക്ഷിച്ചിരുന്നില്ല.
ഈ ഇറ്റാലിയൻ ഇൻ്റർനാഷണൽ താരത്തെ ഒപ്പുവെക്കാൻ ബ്ലൗഗ്രാന താല്പര്യം പ്രകടിപ്പിച്ചിരുന്നു. കൂടാതെ ചർച്ചകൾ മികച്ച രീതിയിൽ പുരോഗമിക്കുകയും ചെയ്തു. എന്നാൽ, ഒടുവിൽ മാനേജർ ഹാൻസി ഫ്ലിക്ക് ഈ ഡീലുമായി മുന്നോട്ട് പോകേണ്ടതില്ല എന്ന് തീരുമാനിച്ചതോടെ ട്രാൻസ്ഫർ നിലച്ചുപോവുകയായിരുന്നു.
പരസ്യം
ഇപ്പോൾ, തങ്ങളുടെ പ്രധാന ലക്ഷ്യമായി ബാഴ്സലോണ ഈ സെൻ്റർ ബാക്കിനായുള്ള ശ്രമങ്ങൾ വീണ്ടും സജീവമാക്കിയിരിക്കുകയാണ്.
ബാസ്റ്റോണിയിൽ താൽപ്പര്യം നിലനിർത്തി ബാഴ്സലോണ
വേനൽക്കാലത്ത് ട്രാൻസ്ഫർ മുടങ്ങിപ്പോയെങ്കിലും ബാസ്റ്റോണിയിലുള്ള താല്പര്യം ബാഴ്സലോണ ഒരിക്കലും അവസാനിപ്പിച്ചില്ല.
റിപ്പോർട്ടുകൾ പ്രകാരം, ജനുവരിയിൽ പ്രതിരോധ നിര ശക്തിപ്പെടുത്തുന്നതിനുള്ള തങ്ങളുടെ മുൻഗണനാ ലക്ഷ്യമായി 27 കാരനായ ഈ ഡിഫൻഡറുടെ ക്യാമ്പുമായി കാറ്റലൻ ക്ലബ് തുടർന്നും ബന്ധം പുലർത്തുന്നുണ്ട്.
ഈ ചർച്ചകൾക്കിടയിൽ, ബാഴ്സലോണയിലേക്ക് മാറാൻ താൻ തയ്യാറാണെന്ന സന്ദേശമാണ് ബാസ്റ്റോണി ക്ലബ്ബിന് നൽകിയിട്ടുള്ളത്. ഇൻ്റർ മിലാൻ വിടുകയാണെങ്കിൽ സ്പോട്ടിഫൈ കാമ്പ് നൗ ആണ് തൻ്റെ ഇഷ്ട താവളമെന്നും താരം വ്യക്തമാക്കുന്നു.
ബാഴ്സലോണയിലേക്ക് ചേക്കേറാൻ ബാസ്റ്റോണി തയ്യാറാണ്. (മാർക്കോ ലുസ്സാനി/ഗെറ്റി ഇമേജസ് ഫോട്ടോ)
പരസ്യം
വേനൽക്കാലത്ത് ഈ നീക്കം മുടങ്ങുന്നതിന് മുൻപ് തന്നെ ലാ ലിഗ ചാമ്പ്യന്മാരുമായി 2031 വരെ നീളുന്ന ദീർഘകാല കരാറിൽ താരം സമ്മതം മൂറിയിരുന്നു.
എന്നിരുന്നാലും, ക്ലബ്ബിൻ്റെ സ്പോർട്ടിങ് പ്രോജക്റ്റിൽ തനിക്കുള്ള പങ്കിനെക്കുറിച്ചും മാനേജറുടെ പ്ലാനുകളെക്കുറിച്ചും അറിയാൻ ഫ്ലിക്കുമായി ചർച്ച നടത്താൻ ഈ ഇറ്റാലിയൻ താരം താൽപ്പര്യപ്പെടുന്നുണ്ടെന്ന് റിപ്പോർട്ടുകൾ വ്യക്തമാക്കുന്നു.
സാഹചര്യങ്ങൾ കൂടുതൽ ചർച്ച ചെയ്യുന്നതിനായി ബാഴ്സലോണയും താരത്തിൻ്റെ ഏജന്റും തമ്മിൽ കൂടുതൽ കൂടിക്കാഴ്ചകൾ നടക്കുമെന്ന് പ്രതീക്ഷിക്കുന്നു.
70 ദശലക്ഷം യൂറോ ആവശ്യപ്പെട്ട് ഇൻ്റർ മിലാൻ
തങ്ങളുടെ പ്രധാന കളിക്കാരിലൊരാളെ വിൽക്കാൻ ഇൻ്റർ മിലാൻ താൽപ്പര്യപ്പെടുന്നില്ല. 2028 വരെയാണ് താരത്തിന്റെ കരാർ കാലാവതിയുള്ളത്.
ബാസ്റ്റോണിക്കായി 70 ദശലക്ഷം യൂറോ ആവശ്യപ്പെടാൻ ഇൻ്റർ മിലാൻ. (ഏഞ്ചൽ മാർട്ടിനസ്/ഗെറ്റി ഇമേജസ് ഫോട്ടോ)
പരസ്യം
ഇതുമായി ബന്ധപ്പെട്ട് നെറാസൂരി ഇതിനകം തന്നെ താരത്തിൻ്റെ ഏജന്റുമായി ചർച്ചകൾ നടത്തി പുതിയ കരാർ നിർദ്ദേശം സമർപ്പിച്ചിട്ടുണ്ട്. എങ്കിലും ഈ നിർദ്ദേശം പര്യാപ്തമല്ലെന്നാണ് താരത്തിൻ്റെ ക്യാമ്പിന്റെ നിലപാട്.
ഒരുപക്ഷേ വിൽക്കാൻ തയ്യാറായാൽ, ബാസ്റ്റോണിയെ വിട്ടുകൊടുക്കാൻ 70 ദശലക്ഷം യൂറോ ട്രാൻസ്ഫർ ഫീസായി ഇൻ്റർ മിലാൻ ആവശ്യപ്പെടുന്നുണ്ട്.
പുതിയ സെൻ്റർ ബാക്കിനെ ഒപ്പുവെക്കുന്നതിനായി ജനുവരിയിൽ അലജാൻഡ്രോ ബാൾഡെയെ വിറ്റഴിച്ച് സ്ഥലം കണ്ടെത്താൻ ശ്രമിക്കുന്ന ബാഴ്സലോണയെ ഈ തുക ഒട്ടും പിന്നോട്ടടിച്ചിട്ടില്ല.
ക്ലബ്ബ് മാറ്റത്തിന് താല്പര്യം പ്രകടിപ്പിക്കുന്ന ബാസ്റ്റോണിക്കായുള്ള നീക്കം ബാഴ്സലോണ വീണ്ടും സജീവമാക്കുമ്പോൾ, വരുന്ന ആഴ്ചകളിൽ ഈ കഥ എങ്ങനെയൊക്കെ പുരോഗമിക്കുമെന്ന് കാത്തിരുന്ന് കാണാം.
