ഫിഫ ക്ലബ്ബ് വേള്‍ഡ് കപ്പിലെ എക്കാലത്തെയും ഗോൾവേട്ടക്കാരുടെ പട്ടികയിലെ തലപ്പൊക്കം വിട്ടുകൊടുക്കാതെ പോർച്ചുഗൽ ഇതിഹാസ താരം ക്രിസ്റ്റിയാനോ റൊണാള്‍ഡോ. ഈ സീസണിൽ ടൂർണമെന്‍റിൽ കളിക്കാനായില്ലെങ്കിലും ഇതുവരെ മറ്റാർക്കും താരത്തിന്‍റെ ഗോളുകളുടെ എണ്ണം മറികടക്കാനായിട്ടില്ല. ആകെ ഏഴ് ഗോളുകളാണ് ഇതുവരെ താരത്തിന്‍റെ സമ്പാദ്യം.
ആറ് ഗോളുകളുമായി രണ്ടാം സ്ഥാനത്തുണ്ടായിരുന്ന ലയണൽ മെസ്സി ഈ സീസണിൽ റൊണാൾഡോക്കൊപ്പമെത്തുമെന്ന് കണക്കുക്കൂട്ടിയെങ്കിലും ഇന്‍റർ മയാമി പ്രീക്വാർട്ടറിൽ പുറത്തായതോടെ ക്രിസ്റ്റിയാനോയുടെ റെക്കോഡിനൊപ്പമെത്താനായില്ല. മെഴ്സിഡെസ് ബെന്‍സ് സ്റ്റേഡിയത്തില്‍ നടന്ന മത്സരത്തില്‍ എതിരില്ലാത്ത നാല് ഗോളിനാണ് പി.എസ്.ജിയോട് ഇന്‍റർമയാമി തോൽവി ഏറ്റുവാങ്ങിയത്.
ക്ലബ്ബ് ലോകകപ്പില്‍ ഏറ്റവുമധികം ഗോള്‍ നേടിയ താരങ്ങൾ
ക്രിസ്റ്റിയാനോ റൊണാള്‍ഡോ – 7
ലയണല്‍ മെസി – 6
കരീം ബെന്‍സെമ – 6
ഗാരെത് ബെയ്ല്‍ – 6
from Madhyamam: Latest Malayalam news, Breaking news | മലയാളം വാർത്തകൾ