മിലാന്‍: ഒരു പതിറ്റാണ്ടിലേറെ നീണ്ടുനിന്ന റയൽ മാഡ്രിഡ് കരിയർ അവസാനിപ്പിച്ച ക്രൊയേഷ്യൻ മിഡ്ഫീൽഡർ ലൂക മോഡ്രിച്, ഇനി എ.സി മിലാനൊപ്പം പന്തുതട്ടും. ഒരു വർഷത്തേക്കാണ് ഇറ്റാലിയൻ ക്ലബുമായി താരം കരാറിലെത്തിയത്. ഫിഫ ക്ലബ് ലോകകപ്പ് സെമി ഫൈനലിൽ പി.എസ്.ജിക്കെതിരെ തൂവെള്ള ജഴ്സിയിൽ ക്രൊയേഷ്യൻ താരം അവസാന മത്സരം കളിച്ചു. ഫിഫ ക്ലബ് ലോകകപ്പോടെ റയലിൽനിന്ന് പടിയുറങ്ങുമെന്ന് താരം നേരത്തെ തന്നെ പ്രഖ്യാപിച്ചിരുന്നു. ഫ്രഞ്ച് ക്ലബിനോട് മറുപടിയില്ലാത്ത നാലു ഗോളുകൾക്ക് തോറ്റ റയൽ ഫൈനൽ കാണാതെ പുറത്തായി. 39 വയസ്സുകാരനായ മോഡ്രിച്ചിന്‍റെ 13 വർഷത്തെ റയൽ കരിയറിനാണ് ഇതോടെ അവസാനമായത്. റയലിന്റെ മധ്യനിരയില്‍ ഭാവന്നാസമ്പന്ന സന്നിധ്യവുമായി നിന്ന ലൂക്ക 597 മത്സരങ്ങൾ കളിച്ചു. ക്ലബിനൊപ്പം 28 കിരീട നേട്ടങ്ങളിൽ പങ്കാളിയായി. ജര്‍മന്‍ ഇതിഹാസം ടോണി ക്രൂസുമായി ചേര്‍ന്നു മോഡ്രിച് തീര്‍ത്ത മുന്നേറ്റങ്ങളും നീക്കങ്ങളും റയലിന്റെ നിരവധി കിരീട നേട്ടങ്ങളില്‍ നിര്‍ണായകമായിരുന്നു. 🚨🔴⚫️ Luka Modrić to AC Milan, here we go…
Author: Rizwan
Rizwan is a sports writer at Scoreium with 5 years of blogging experience, covering football, cricket, and more in Malayalam and English.
അമേരിക്കൻ മേജർ സോക്കർ ലീഗിലും (എം.എൽ.എസ്) ചരിത്ര നേട്ടം സ്വന്തമാക്കി അർജന്‍റൈൻ ഇതിഹാസം ലയണൽ മെസ്സി. ലീഗിന്‍റെ ചരിത്രത്തിൽ തുടർച്ചയായി നാലു മത്സരങ്ങളിൽ ഒന്നിലധികം ഗോളുകൾ നേടുന്ന ആദ്യ താരമെന്ന റെക്കോഡാണ് മെസ്സി സ്വന്തം പേരിലാക്കിയത്. വ്യാഴാഴ്ച മസാച്ചുസെറ്റ്സിലെ ഗില്ലറ്റ് സ്റ്റേഡിയത്തിൽ ന്യൂ ഇംഗ്ലണ്ടിനെതിരായ മത്സരത്തിൽ ഇരട്ട ഗോൾ നേടിയാണ് മെസ്സി ഈ നേട്ടം കൈവരിച്ചത്. മത്സരത്തിൽ ഒന്നിനെതിരെ രണ്ടു ഗോളുകൾക്ക് ഇന്‍റർ മയാമി ജയിച്ചു. ഫിഫ ക്ലബ് ലോകകപ്പ് ടൂർമെന്‍റിന് മുമ്പ് ലീഗിൽ സി.എഫ് മൊൺട്രീലിനെതിരെ നടന്ന മത്സരത്തിൽ രണ്ടു ഗോളുകൾ നേടിയാണ് മെസ്സി ചരിത്രത്തിലേക്ക് കാൽവെച്ചത്. പിന്നാലെ കൊളംബസിനെതിരായ മത്സരത്തിലും താരം രണ്ടു തവണ വലകുലുക്കി. ഫിഫ ക്ലബ് ലോകകപ്പിനുശേഷം ലീഗിലെ ആദ്യ മത്സരത്തിൽ മൊൺട്രീലിനെതിരെ താരം വീണ്ടും രണ്ടു ഗോൾ നേടി. ഇന്ന് ന്യൂ ഇംഗ്ലണ്ടിനെതിരെ നടന്ന മത്സരത്തിലും ഗോൾ നേട്ടം ആവർത്തിച്ചതോടെയാണ് താരം ചരിത്രത്തിന്‍റെ ഭാഗമായത്. ലീഗിലെ കഴിഞ്ഞ നാലു മത്സരങ്ങളിൽനിന്ന് താരത്തിന്റെ ഗോൾ നേട്ടം…
ലിവർപൂൾ താരം ഡിഗോ ജോട്ടയുടെ അപകടം: കാരണം അമിതവേഗത, നിർണ്ണായക റിപ്പോർട്ട് പുറത്ത്ഫുട്ബോൾ ലോകത്തെ ഞെട്ടിച്ച വാർത്തയായിരുന്നു ലിവർപൂളിന്റെ പോർച്ചുഗീസ് സൂപ്പർ താരം ഡിഗോ ജോട്ടയുടെ കാർ അപകടം. ഇപ്പോൾ, ആ അപകടത്തെക്കുറിച്ചുള്ള കൂടുതൽ നിർണ്ണായക വിവരങ്ങൾ പുറത്തുവന്നിരിക്കുകയാണ്. അപകടത്തിന് പ്രധാന കാരണങ്ങളിലൊന്ന് അമിതവേഗതയാണെന്ന് വ്യക്തമാക്കുന്ന സ്പാനിഷ് സിവിൽ ഗാർഡിന്റെ റിപ്പോർട്ടിലെ വിവരങ്ങളാണ് ഇപ്പോൾ ചർച്ചയാകുന്നത്. അപകടകാരണം വേഗത തന്നെ സ്പെയിനിലെ സമോറ പ്രവിശ്യയിൽ വെച്ചാണ് ഡിഗോ ജോട്ടയും സഹോദരൻ ആന്ദ്രേ സിൽവയും സഞ്ചരിച്ച കാർ അപകടത്തിൽപ്പെട്ടത്. അപകടം നടന്നയുടൻ തന്നെ ടയർ പൊട്ടിയതാണ് കാരണമെന്ന പ്രാഥമിക നിഗമനങ്ങൾ വന്നിരുന്നെങ്കിലും, സ്പാനിഷ് മാധ്യമമായ ‘മാർക്ക’ പുറത്തുവിട്ട സിവിൽ ഗാർഡ് റിപ്പോർട്ടിലെ വിവരങ്ങൾ പ്രകാരം അമിതവേഗത ഒരു പ്രധാന ഘടകമായിരുന്നു. ആ റോഡിൽ അനുവദനീയമായതിലും കൂടുതൽ വേഗതയിലായിരുന്നു വാഹനം സഞ്ചരിച്ചിരുന്നത് എന്ന് റിപ്പോർട്ട് സൂചിപ്പിക്കുന്നു. അപകടസമയത്ത് വാഹനമോടിച്ചിരുന്നത് ഡിഗോ ജോട്ട തന്നെയായിരുന്നുവെന്നും റിപ്പോർട്ടിലുണ്ട്. അന്വേഷണം പുരോഗമിക്കുന്നു നിലവിൽ സിവിൽ ഗാർഡിന്റെ ട്രാഫിക് വിഭാഗം…
ന്യൂജഴ്സി: കരുത്തരായ റയൽ മഡ്രിഡിനെ തീർത്തും നിഷ്പ്രഭരാക്കി വമ്പൻ ജയത്തോടെ ഫ്രഞ്ച് ക്ലബ്ബായ പി.എസ്.ജി ക്ലബ് ലോകകപ്പ് ഫൈനലിൽ. ഈസ്റ്റ് റഥർഫോഡ് മെറ്റ് ലൈഫ് സ്റ്റേഡിയത്തിൽ നടന്ന സെമിയിൽ 4-0നാണ് പി.എസ്.ജി റയലിനെ തകർത്തത്. ഫാബിയൻ റൂയിസ് രണ്ടു ഗോളുകളും (6, 24 മിനിറ്റ്) ഒസ്മാൻ ഡെംബെലെ (9), ഗൊൺസാലോ റാമോസ് (87) എന്നിവർ ഓരോ ഗോളും നേടി. 14ന് നടക്കുന്ന ഫൈനലിൽ ചെൽസിയാണ് പി.എസ്.ജിയുടെ എതിരാളികൾ. മത്സരത്തിന്റെ തുടക്കത്തിൽ തന്നെ ഗോൾ നേടി പി.എസ്.ജി റയലിനെ ഞെട്ടിച്ചു. ആറാംമിനിറ്റിലെ ഗോളിന്റെ ഞെട്ടൽ മാറുംമുമ്പേ ഒമ്പതാം മിനിറ്റിൽ ഡെംബെലെയുടെ വക രണ്ടാമത്തെ ഗോളും പിറന്നു. ഇതോടെ പ്രതിരോധത്തിലായ റയലിന് മത്സരത്തിന്റെ ഒരുഘട്ടത്തിലും വെല്ലുവിളിയുയർത്താനായില്ല. EN FINALE DE COUPE DU MONDE ! #PSGREAL I #FIFACWC pic.twitter.com/JvgQRyrt4y— Paris Saint-Germain (@PSG_inside) July 9, 2025 24ാം മിനിറ്റിൽ റൂയിസ് തന്റെ രണ്ടാംഗോളും നേടിയതോടെ ആദ്യപകുതിയിൽ പി.എസ്.ജി 3-0ന് മുന്നിൽ.…
പാരീസ്: ഈ വർഷത്തെ ബലോൻ ഡി’ഓർ പുരസ്കാരത്തിനുള്ള മത്സരത്തിൽ വലിയൊരു വഴിത്തിരിവ്. ബാർസലോണയുടെ യുവതാരം ലാമിൻ യമാലിനെ മറികടന്ന് പി.എസ്.ജി താരം ഉസ്മാൻ ഡെംബെലെ ഇപ്പോൾ ശക്തനായ ഒരു മത്സരാർത്ഥിയായി മാറിയിരിക്കുന്നു. മികച്ച ഫോമും കോച്ച് ലൂയിസ് എൻറിക്വെയുടെ പ്രശംസയുമാണ് ഡെംബെലെയുടെ സാധ്യതകൾ വർധിപ്പിച്ചത്. കോച്ചിന്റെ വാക്കുകൾ, ഡെംബെലെയുടെ കരുത്ത് “ഈ സീസണിലെ ഞങ്ങളുടെ ഏറ്റവും മികച്ച താരം ഡെംബെലെയാണ്. അവൻ എല്ലാം നേടാൻ അർഹനാണ്,” പി.എസ്.ജി പരിശീലകൻ ലൂയിസ് എൻറിക്വെ കഴിഞ്ഞ ദിവസം മാധ്യമങ്ങളോട് പറഞ്ഞു. ഒരു കോച്ച് സ്വന്തം കളിക്കാരനെ ഇത്രയധികം പുകഴ്ത്തുന്നത് താരത്തിന്റെ ഡെംബെലെ ബലോൻ ഡി’ഓർ സാധ്യതകൾക്ക് വലിയ ഊർജ്ജം നൽകുന്നു. ഇത് താരത്തിന് പുരസ്കാരം നേടാൻ കൂടുതൽ സഹായകമാകും. കളിക്കളത്തിലെ തകർപ്പൻ പ്രകടനം ഫിഫ ക്ലബ്ബ് ലോകകപ്പിലാണ് ഡെംബെലെയുടെ ഏറ്റവും മികച്ച പ്രകടനം കണ്ടത്. റയൽ മാഡ്രിഡിനെതിരെ പി.എസ്.ജി നേടിയ വമ്പൻ വിജയത്തിൽ ഡെംബെലെ പ്രധാന പങ്കുവഹിച്ചു. ടൂർണമെന്റിൽ ബയേൺ മ്യൂണിക്കിനും റയലിനുമെതിരെ ഗോളുകൾ…
മാഡ്രിഡ്: ക്ലബ് ലോകകപ്പ് സെമിഫൈനലിൽ റയൽ മാഡ്രിഡ് പിഎസ്ജിയോട് കനത്ത തോൽവി (4-0) ഏറ്റുവാങ്ങി. ടീമിന്റെ പുതിയ പരിശീലകൻ സാബി അലോൺസോയുടെ കീഴിൽ നേരിട്ട ഈ വലിയ പരാജയം ആരാധകരിൽ ആശങ്കയുണർത്തിയിട്ടുണ്ട്. എന്നാൽ ഇത് ഭാവിയെ ഓർത്ത് പേടിക്കേണ്ട ഒന്നല്ലെന്ന് മത്സരശേഷം അലോൺസോ വ്യക്തമാക്കി. “ഈ തോൽവി നിരാശപ്പെടുത്തുന്ന ഒരു സീസണിന്റെ അവസാനമാണ്, അല്ലാതെ എന്റെ ടീമിന്റെ തുടക്കമല്ല,” റയൽ മാഡ്രിഡ് പുതിയ കോച്ച് പറഞ്ഞു. തന്റെ കീഴിൽ ടീം ഒരുങ്ങിവരുന്നതേയുള്ളൂവെന്നും മികച്ച പ്രകടനത്തിന് സമയം ആവശ്യമാണെന്നും അദ്ദേഹം കൂട്ടിച്ചേർത്തു. പിഎസ്ജി vs റയൽ മാഡ്രിഡ് പോരാട്ടത്തിൽ പിഎസ്ജിയുടെ സമ്പൂർണ്ണ ആധിപത്യമാണ് കണ്ടത്. നിലവിൽ ലോകത്തിലെ ഏറ്റവും മികച്ച ഫോമിലുള്ള ടീമുകളിലൊന്നാണ് പിഎസ്ജി. ഈ തോൽവിയിൽ നിന്ന് പാഠങ്ങൾ ഉൾക്കൊണ്ട് ടീം മെച്ചപ്പെടണമെന്നും അലോൺസോ പറഞ്ഞു. ലാലിഗ, കോപ്പ ഡെൽ റേ തുടങ്ങിയ ടൂർണമെന്റുകൾക്ക് ശേഷം ഈ സീസണിൽ കിരീടമൊന്നുമില്ലാതെയാണ് റയൽ മാഡ്രിഡ് മടങ്ങുന്നത്. റയൽ മാഡ്രിഡിന് കനത്ത തോൽവി നേരിട്ട…
പാരീസ്: ഫുട്ബോൾ ലോകത്ത് നാടകീയ രംഗങ്ങൾക്കാണ് കഴിഞ്ഞ ദിവസം സാക്ഷ്യം വഹിച്ചത്. ഫ്രഞ്ച് ക്ലബ്ബായ ലിയോൺ തരംതാഴ്ത്തലിൽ നിന്ന് രക്ഷപ്പെട്ടപ്പോൾ, അതിന്റെ പ്രത്യാഘാതം അനുഭവിച്ചത് ഇംഗ്ലീഷ് ക്ലബ്ബായ ക്രിസ്റ്റൽ പാലസാണ്. ലിയോൺ നേടിയ ആശ്വാസം ക്രിസ്റ്റൽ പാലസിന്റെ യൂറോപ്പ ലീഗ് സ്വപ്നങ്ങളാണ് തകർത്തത്. എന്താണ് സംഭവിച്ചത്? കടുത്ത സാമ്പത്തിക പ്രതിസന്ധിയെ തുടർന്ന് ലിയോണിനെ ഫ്രഞ്ച് രണ്ടാം ഡിവിഷനിലേക്ക് തരംതാഴ്ത്താൻ ഫുട്ബോൾ അധികൃതർ തീരുമാനിച്ചിരുന്നു. എന്നാൽ, ക്ലബ്ബ് ഉടമകൾ പുതിയൊരു സാമ്പത്തിക പദ്ധതി സമർപ്പിച്ചതോടെ ആ തീരുമാനം പിൻവലിച്ചു. ഇതോടെ ലിയോൺ ഫ്രാൻസിലെ ഒന്നാംനിര ലീഗിൽ തന്നെ തുടർന്നു. പാലസിന് തിരിച്ചടിയായത് എങ്ങനെ? പ്രശ്നം തുടങ്ങിയത് ഇവിടെയാണ്. ലിയോണും ക്രിസ്റ്റൽ പാലസും ‘ഈഗിൾ ഫുട്ബോൾ ഗ്രൂപ്പ്’ എന്ന ഒരേ കമ്പനിയുടെ ഉടമസ്ഥതയിലാണ്. യൂറോപ്യൻ ഫുട്ബോൾ സംഘടനയായ യുവേഫയുടെ (UEFA) നിയമം വളരെ വ്യക്തമാണ്: ഒരേ ഉടമയ്ക്ക് കീഴിലുള്ള രണ്ട് ടീമുകൾക്ക് ഒരേ യൂറോപ്യൻ ടൂർണമെന്റിൽ മത്സരിക്കാനാകില്ല. ഫ്രഞ്ച് ലീഗിലെ പ്രകടനം വഴി ലിയോൺ…
ന്യൂജേഴ്‌സി: ഫുട്ബോൾ ലോകം ആകാംക്ഷയോടെ ഉറ്റുനോക്കിയ ഫിഫ ക്ലബ്ബ് ലോകകപ്പ് 2025 സെമി ഫൈനൽ പോരാട്ടത്തിൽ റയൽ മാഡ്രിഡിനെതിരെ പാരീസ് സെന്റ് ജെർമെയ്ൻ (പി.എസ്.ജി) ആധികാരിക ജയം സ്വന്തമാക്കി. ന്യൂജേഴ്‌സിയിലെ മെറ്റ്‌ലൈഫ് സ്റ്റേഡിയത്തിൽ നടന്ന മത്സരത്തിൽ, സ്പാനിഷ് വമ്പന്മാരെ എതിരില്ലാത്ത നാല് ഗോളുകൾക്ക് തകർത്താണ് ഫ്രഞ്ച് ചാമ്പ്യന്മാർ ഫൈനലിലേക്ക് മുന്നേറിയത്. ഈ കളിയിലെ പി.എസ്.ജി vs റയൽ മാഡ്രിഡ് പോരാട്ടം ആരാധകർക്ക് ആവേശകരമായ നിമിഷങ്ങൾ സമ്മാനിച്ചെങ്കിലും, റയലിന്റെ കനത്ത തോൽവി അപ്രതീക്ഷിതമായി. പ്രതിരോധപ്പിഴവുകൾ മുതലെടുത്ത് പി.എസ്.ജി മത്സരത്തിന്റെ തുടക്കം മുതൽ പി.എസ്.ജി കളം ഭരിക്കുന്ന കാഴ്ചയാണ് കണ്ടത്. റയൽ മാഡ്രിഡിന്റെ പ്രതിരോധ നിര വരുത്തിയ ഗുരുതരമായ പിഴവുകൾ മുതലെടുത്ത് ആദ്യ പത്ത് മിനിറ്റിനുള്ളിൽ തന്നെ പി.എസ്.ജി രണ്ട് ഗോളുകൾ നേടി. കളി തുടങ്ങി ആറാം മിനിറ്റിൽ റയൽ താരം റൗൾ അസെൻസിയോയുടെ പിഴവിൽ നിന്ന് ഫാബിയൻ റൂയിസ് പി.എസ്.ജിക്കായി ആദ്യ ഗോൾ വലയിലാക്കി. ഈ ഗോളിന്റെ ഞെട്ടൽ മാറും മുമ്പേ, വെറും…
മാഡ്രിഡ്: ബ്രസീൽ ദേശീയ ഫുട്ബാൾ ടീം പരിശീലകൻ കാർലോ ആഞ്ചലോട്ടിക്ക് നികുതി തട്ടിപ്പുകേസിൽ ഒരു വർഷം തടവ് ശിക്ഷയും 386,000 യൂറോ പിഴയും ചുമത്തി. റയൽ മാഡ്രിഡ് പരിശീലകനായിരിക്കെ 2014ൽ നടത്തിയ സാമ്പത്തിക ക്രമക്കേടിലാണ് സ്പാനിഷ് കോടതി വിധി പറഞ്ഞത്. അതേസമയം, സ്പാനിഷ് നിയമം അനുസരിച്ച് ആഞ്ചലോട്ടി ജയിലിൽ പോകില്ല. അദ്ദേഹത്തിന്റെത് ആദ്യ കുറ്റകൃത്യവും ശിക്ഷ രണ്ടുവർഷത്തിൽ താഴെയായതുമാണ് ജയിൽ ശിക്ഷ ഒഴിവാക്കുന്നത്. ഒരു നിശ്ചിത കാലയളവിനുള്ളിൽ മറ്റൊരു കുറ്റകൃത്യം ചെയ്തില്ലെങ്കിൽ സ്വതന്ത്രനായി തുടരും. റയൽ മാഡ്രിഡിലുള്ള സമയത്ത് ഉൽപന്നങ്ങൾക്കും സ്പോൺസർഷിപ്പുകൾക്കുമായി തന്റെ ഇമേജിന് ലൈസൻസ് നൽകുന്നതിലൂടെ ലഭിക്കുന്ന പണത്തിന് നികുതി ഒഴിവാക്കാൻ സ്പെയിനിന് പുറത്തുള്ള ദ്വീപുകളിൽ ഷെൽ കമ്പനികളെ ഉപയോഗിച്ചതായി കണ്ടെത്തി. 2014 ലും 2015 ലും സ്പാനിഷ് നികുതി അധികാരികൾക്ക് തന്റെ അടിസ്ഥാന ശമ്പളം മാത്രമാണ് റിപ്പോർട്ട് ചെയ്തത്. നേരത്തെ, ലയണൽ മെസ്സി, ക്രിസ്റ്റ്യാനോ റൊണാൾഡോ, നെയ്മർ, ജോസ് മൗറീഞ്ഞോ, ഡീഗോ കോസ്റ്റ എന്നിവരുൾപ്പെടെ നിരവധി താരങ്ങൾ ഇമേജ്…
ന്യൂയോർക്ക്: സീസണൊടുവിൽ ഇന്‍റർ മയാമിയുമായി കരാർ അവസാനിക്കാനിരിക്കെ, ഫുട്ബാൾ ഇതിഹാസം ലയണൽ മെസ്സി സൗദി പ്രോ ലീഗിലേക്കെന്ന പ്രചാരണം ശക്തമാകുന്നു. ക്ലബ് ഏഷ്യൻ ചാമ്പ്യന്മാരായ അൽ അഹ്‌ലി ക്ലബാണ് താരത്തിനായി രംഗത്തുള്ളത്. ഇതിനോടകം മെസ്സി ക്യാമ്പുമായി അഹ്‌ലി അധികൃതർ ചർച്ച നടത്തിയതായാണ് വിവരം. മെസ്സിയുടെ കരാർ പുതുക്കുന്നതുമായി ബന്ധപ്പെട്ട് മയാമി ഇതുവരെ ചർച്ചകളൊന്നും ആരംഭിക്കാത്തതും സൗദി നീക്കത്തിന് ശക്തിപകരുന്നുണ്ട്. വർഷാവസാനത്തോടെ മെസ്സിയുമായി കരാറിലെത്താനാണ് സൗദി പ്രോ ലീഗി ക്ലബിന്‍റെ ശ്രമമെന്ന് ഫ്രഞ്ച് പത്രം ലെക്വിപ്പ് റിപ്പോർട്ട് ചെയ്തു. ഡിസംബറിലാണ് മയാമിയുമായുള്ള മെസ്സിയുടെ കരാർ അവസാനിക്കുന്നത്. മെസ്സിക്ക് സൗദി ക്ലബ് എത്ര തുകയാണ് ഓഫർ ചെയ്തതെന്ന കാര്യത്തിൽ വ്യക്തതയില്ല. എന്നാൽ, താരത്തെ ക്ലബിലെത്തിക്കാൻ സാധ്യമയ വഴികളെല്ലാം നോക്കുകയാണ് അഹ്‌ലി. മെസ്സി എത്തുന്നതോടെ സൗദി പ്രോ ലീഗിന്‍റെ പ്രതിച്ഛായ വീണ്ടും വർധിക്കുമെന്നും ആഗോള ശ്രദ്ധാ കേന്ദ്രമാകുമെന്നുമാണ് ക്ലബ് അധികൃതരുടെ വിശ്വാസം. കഴിഞ്ഞമാസം പോർചുഗീസ് ഇതിഹാസം ക്രിസ്റ്റ്യാനോ റൊണാൾഡോ അൽ നസ്ർ ക്ലബുമായി രണ്ടു വർഷത്തേക്ക്…