മ​നോ​ജി​ന്‍റെ ചാ​മ്പ്യ​ൻ സ​ർ​ക്കീ​ട്ട് തു​ട​രു​ന്നു

മ​ല​പ്പു​റം: കേ​ര​ള പ്രീ​മി​യ​ർ ലീ​ഗി​ൽ ക​ളി​ച്ച മൂ​ന്ന് ടീ​മു​ക​ൾ​ക്കൊ​പ്പ​വും കി​രീ​ടം, ഈ ​സീ​സ​ണി​ൽ ക​ളി​ച്ച മൂ​ന്ന് ടൂ​ർ​ണ​മെ​ന്‍റു​ക​ളി​ലും ഫൈ​ന​ൽ പ്ര​വേ​ശ​നം, കാ​ൽ​പ​ന്തി​ന്‍റെ ച​ടു​ല​ത​ക്കൊ​പ്പം ക​ളി ദൈ​വ​ത്തി​ന്‍റെ കൈ​യൊ​പ്പു​കൂ​ടി പ​തി​ഞ്ഞ താ​ര​മാ​ണ് മു​ത്തൂ​റ്റ് ഫു​ട്ബാ​ൾ അ​ക്കാ​ദ​മി​യു​ടെ മാ​നോ​ജ് മാ​ർ​ക്കോ​സ്. ഞാ​യ​റാ​ഴ്ച കോ​ഴി​ക്കോ​ട് കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ ന​ട​ന്ന കെ.​പി.​എ​ൽ ഫൈ​ന​ൽ മ​ത്സ​ര​ത്തി​ൽ മാ​ൻ ഓ​ഫ് ദ ​മാ​ച്ച് ആ​യി തെ​ര​ഞ്ഞെ​ടു​ത്ത​തും ഈ ​പ്ര​തി​രോ​ധ​താ​ര​ത്തെ​യാ​ണ്.

ക​ലാ​ശ പോ​രാ​ട്ട​മു​ൾ​പ്പെ​ടെ മൂ​ന്ന് മ​ത്സ​ര​ങ്ങ​ളി​ലാ​ണ് മ​നോ​ജ് ക​ളി​യി​ലെ താ​ര​മാ​യ​ത്. പ്ര​തി​രോ​ധ​താ​ര​മാ​യി​ട്ടും ര​ണ്ടു​ത​വ​ണ എ​തി​ർ​ടീ​മി​ന്‍റെ വ​ല കു​ലു​ക്കി. ടൂ​ർ​ണ​മെ​ന്‍റി​ലെ ഈ ​മി​ന്നും പ്ര​ക​ട​ന​മാ​ണ് മി​ക​ച്ച പ്ര​തി​രോ​ധ​താ​ര​ത്തി​നു​ള്ള പു​ര​സ്കാ​ര​ത്തി​ലേ​ക്കും വ​ഴി​തു​റ​ന്ന​ത്. തി​രു​വ​ന​ന്ത​പു​ര​ത്തി​ന്‍റെ ഫു​ട്ബാ​ൾ ഫാ​ക്ട​റി എ​ന്ന വി​ളി​പ്പേ​രു​ള്ള പൊ​ഴി​യൂ​രി​ലെ പ​രു​ത്തി​യൂ​രാ​ണ് മ​നോ​ജി​ന്‍റെ സ്വ​ദേ​ശം. അ​വി​ടെ​യു​ള്ള ക​ട​പ്പു​റ​ത്തെ മ​ണ​ൽ പ​ര​പ്പി​ൽ പ​ന്ത് ത​ട്ടി​യാ​ണ് ഫു​ട്ബാ​ളി​ന്‍റെ ബാ​ല​പാ​ഠ​ങ്ങ​ൾ പ​ഠി​ച്ച​ത്.

മ​ത്സ്യ​ത്തൊ​ഴി​ലാ​ളി​യാ​യ മാ​ർ​ക്കോ​സി​ന്‍റെ​യും വീ​ട്ട​മ്മ​യാ​യ ഡേ​വി​ൾ​സ് മേ​രി​യു​ടെ​യും അ​ഞ്ച് മ​ക്ക​ളി​ൽ നാ​ലാ​മ​നാ​ണ് മ​നോ​ജ്. സ​ന്തോ​ഷ് ട്രോ​ഫി ഗ്രാ​മ​മെ​ന്ന ഖ്യാ​തി നേ​ടി​യ പൊ​ഴി​യൂ​രി​ലെ മ​റ്റു കു​ട്ടി​ക​ളെ​പോ​ലെ മ​നോ​ജി​നും കാ​ൽ​പ​ന്തു​ക​ളി ജീ​വ​നാ​യി​രു​ന്നു. നാ​ട്ടി​ലെ​ത​ന്നെ ഉ​ദ​യ ആ​ർ​ട്സ് ആ​ൻ​ഡ് സ്പോ​ർ​ട്സ് ക്ല​ബി​ന്‍റെ അ​ക്കാ​ദ​മ​യി​ൽ ജെ​യിം​സെ​ന്ന പ​രി​ശീ​ല​ക​ന്‍റെ കീ​ഴി​ലാ​ണ് പ്ര​ഫ​ഷ​ന​ൽ ഫു​ട്ബാ​ളി​ലെ ശി​ക്ഷ​ണം ആ​രം​ഭി​ക്കു​ന്ന​ത്. പി​ന്നീ​ട് ബി​രു​ദ​പ​ഠ​ന​ത്തി​നാ​യി നാ​ഗ​ർ​കോ​വി​ലി​ലെ സ്കോ​ർ​ട്ട് ക്രി​സ്റ്റ്യ​ൻ കോ​ള​ജി​ലെ​ത്തി​യെ​തോ​ടെ എം.​എ​സ് യൂ​നി​വേ​ഴ്സി​റ്റി​ക്കു​വേ​ണ്ടി ബൂ​ട്ടു​കെ​ട്ടി.

ചെ​ന്നൈ​യി​ലെ വൈ​യി​ൽ യൂ​നി​വേ​ഴ്സി​റ്റി​യി​ലെ പി.​ജി പ​ഠ​ന​ത്തി​നു​ശേ​ഷം എ​സ്.​ബി.​ഐ​ക്ക് വേ​ണ്ടി ഗ​സ്റ്റ് താ​ര​മാ​യി ക​ളി​ച്ചു. ആ​വ​ർ​ഷം എ​സ്.​ബി.​ഐ മേ​യ​ർ ക​പ്പി​ൽ ജേ​താ​ക്ക​ളാ​യി. പി​ന്നീ​ട് ഗോ​കു​ലം എ​ഫ്.​സി​ക്കാ​യി ക​ളി​ച്ച് കെ.​പി.​എ​ല്ലി​ൽ ചാ​മ്പ്യ​ൻ​പ​ട്ടം. തൊ​ട്ട​ടു​ത്ത വ​ർ​ഷം പ​രി​ക്കു​മൂ​ലം സീ​സ​ൺ ന​ഷ്ട​മാ​യെ​ങ്കി​ലും ശേ​ഷം കേ​ര​ള യു​നൈ​റ്റ​ഡി​നെ ചാ​മ്പ്യ​ന്മാ​രാ​ക്കി രാ​ജ​കീ​യ തി​രി​ച്ചു​വ​ര​വ്. അ​തി​നി​ടെ ദേ​ശീ​യ ഗെ​യിം​സി​ൽ വെ​ള്ളി നേ​ടി​യ കേ​ര​ള ടീ​മി​നാ​യും ക​ളി​ച്ചു. ഈ ​സീ​സ​ണി​ൽ സൂ​പ്പ​ർ ലീ​ഗ് കേ​ര​ള​യി​ൽ കാ​ലി​ക്ക​റ്റ് എ​ഫ്.​സി​ക്ക് വേ​ണ്ടി​യാ​ണ് ബൂട്ടണിഞ്ഞത്.

പ്ര​ഥ​മ സൂ​പ്പ​ർ ലീ​ഗ് കേ​ര​ള​യി​ൽ കാ​ലി​ക്ക​റ്റ് എ​ഫ്.​സി കി​രീ​ടം ചൂ​ടി​യ​പ്പോ​ൾ പ്ര​തി​രോ​ധ​നി​ര​യി​ൽ കോ​ട്ട കെ​ട്ടി​യ​ത് മ​നോ​ജാ​യി​രു​ന്നു. പി​ന്നീ​ട് ഹൈ​ദ​ര​ബാ​ദി​ൽ ന​ട​ന്ന സ​ന്തോ​ഷ് ട്രോ​ഫി​യി​ൽ കേ​ര​ള​ത്തി​നാ​യും പ​ന്തു​ത​ട്ടി. ക​ലാ​ശ​പ്പോ​രാ​ട്ട​ത്തി​ൽ ബം​ഗാ​ളി​നോ​ട് കേ​ര​ളം പൊ​രു​തി​ത്തോ​ൽ​ക്കു​ക​യാ​യി​രു​ന്നു. ക​രി​യ​റി​ന്‍റെ ആ​ദ്യ​ത്തി​ൽ വി​ങ്ങ​റാ​യി ക​ളി​ച്ചി​രു​ന്ന മ​നോ​ജി​നെ നാ​ട്ടു​കാ​ര​നാ​യ എ​ഡി​സ​നാ​ണ് സ്റ്റോ​പ്പ​ർ ബാ​ക്കാ​ക്കി​യ​ത്. ക​രി​യ​ർ ഗൈ​ഡാ​യ ക്ലി​യോ​ഫ് അ​ല​ക്സും സ​ർ​വ പി​ന്തു​ണ​യു​മാ​യി ഒ​പ്പ​മു​ണ്ട്. നി​ല​വി​ൽ ചെ​ന്നൈ​യി​ലെ ഇ​ൻ​കം ടാ​ക്സ് ഓ​ഫി​സി​ൽ ജോ​ലി ചെ​യ്യു​ക​യാ​ണ് മ​നോ​ജ്.

from Madhyamam: Latest Malayalam news, Breaking news | മലയാളം വാർത്തകൾ