എത്തിഹാദ് മൈതാനത്ത് നടന്ന ഇംഗ്ലിഷ് പ്രീമിയർ ലീഗിന്റെ രണ്ടാം റൗണ്ടിൽ പുതുതായി പ്രീമിയർ ലീഗിലേക്ക് വന്ന ഇപ്സ്വിച്ചിനെ ഒന്നിനെതിരെ നാല് ഗോളുകൾക്ക് തോൽപ്പിച്ച് മാഞ്ചസ്റ്റർ സിറ്റി.
ഏഴാം മിനിട്ടിൽ സ്മോഡിക്സിന്റെ ഗോളിലൂടെ ഇപ്സ്വിച്ചാണ് ആദ്യം ലീഡ് ചെയ്തത്. എന്നാൽ പിന്നീട് പത്ത് മിനിറ്റിനുള്ളിൽ കെവിൻ ഡി ബ്രൂയ്ൻ ഒരു ഗോളും ഹാലാൻഡ് രണ്ട് ഗോളുകളും നൽകി സിറ്റി സ്‌കോർ 3-1 എന്ന നിലയിൽ എത്തിച്ചു. മുൻ മാഞ്ചസ്റ്റർ സിറ്റി ഗോൾകീപ്പർ അരിജാനെറ്റ് മുറിക് ഇപ്സ്വിച്ചിനായി അരങ്ങേറ്റം കുറിച്ചെങ്കിലും ചില പിഴവുകൾ വരുത്തി.
രണ്ടാം പകുതിയുടെ അവസാനത്തോടെ 88 ആം മിനിറ്റിൽ എർലിംഗ് ഹാലാൻഡ് സീസണിലെ തന്റെ ആദ്യ ഹാട്രിക്ക് പൂർത്തിയാക്കി. ഇതോടെ, രണ്ട് കളികളിൽ നിന്നായി നാല് ഗോളുകൾ നേടി ഗോൾ വേട്ടയിൽ ഒന്നാമതാണ് ഹാലാൻഡ്.
Manchester City – Ipswich – 4:1
Goals: Haaland 12, 16, 88, De Bruyne 14 – Szmodics 7.