ആസ്റ്റൺ വില്ലയോടേറ്റ പരാജയത്തിന് പിന്നാലെ ലിവർപൂളിന്റെ ഈ സീസണിലെ പ്രകടനത്തെക്കുറിച്ച് പ്രതികരിച്ച് ജാമി കാരഗർ.

“പുറത്ത് കളിക്കുമ്പോൾ ലഭിക്കുന്ന ഇത്തരം ഫലങ്ങൾ ഒരു ടീമിന്റെ വ്യക്തിത്വത്തെയും സ്വഭാവത്തെയും കുറിച്ചാണ് സംസാരിക്കുന്നത്,” കാരഗർ പറഞ്ഞു.

“പ്രീമിയർ ലീഗിൽ ലിവർപൂൾ അഞ്ചാം സ്ഥാനത്താണെന്ന് വിശ്വസിക്കാൻ എനിക്ക് കഴിയുന്നില്ല. അവർ വഴങ്ങിയ ഗോളുകളുടെ എണ്ണം നോക്കുക, മുന്നേറ്റത്തിൽ അവർ ഒട്ടും ഭീഷണി ഉയർത്തുന്നില്ല. കൂടാതെ ആ എവേ റെക്കോർഡും— എന്നിട്ടും ലിവർപൂൾ പ്രീമിയർ ലീഗിൽ അഞ്ചാം സ്ഥാനത്തോ? അത്ഭുതകരമാണ്.”

“വിർജിൽ വാൻ ഡൈക്ക് ഒരു സാധാരണ മനുഷ്യനെപ്പോലെ പെരുമാറുന്ന ആദ്യ സീസണാണിത്. ഇത് മറ്റുള്ളവരെയും ബാധിച്ചിട്ടുണ്ട്. അദ്ദേഹത്തോടൊപ്പം കളിക്കുന്നവരെ നോക്കുമ്പോൾ, അവർ എത്ര മികച്ചവരാണെന്ന് പലരും എന്നോട് പറയാറുണ്ട്.”

“എന്നാൽ വാൻ ഡൈക്ക് മികച്ച ഫോമിലല്ലാത്തപ്പോൾ, അവർ മുന്നിട്ടിറങ്ങി അദ്ദേഹത്തെ സഹായിക്കേണ്ടതുണ്ട്. പക്ഷെ അത് സംഭവിക്കുന്നില്ല.”