കേരളാ ബ്ലാസ്റ്റേഴ്‌സ് ഫുട്‌ബോൾ ടീം സൂപ്പർ കപ്പിനായി തയ്യാറെടുക്കുന്നു. ഏപ്രിൽ 20-നാണ് സൂപ്പർ കപ്പ് മത്സരങ്ങൾ ആരംഭിക്കുന്നത്. ആദ്യ മത്സരത്തിൽ ഈസ്റ്റ് ബംഗാളാണ് കേരളാ ബ്ലാസ്റ്റേഴ്‌സിന്റെ എതിരാളികൾ.
പുതിയ കോച്ച് ഡേവിഡ് കാറ്റലയുടെ കീഴിലാണ് കേരളാ ബ്ലാസ്റ്റേഴ്‌സ് ഇത്തവണ കളിക്കുന്നത്. അദ്ദേഹത്തോടൊപ്പം റാഫ മോൺ അഗ്വല്ലോയും സഹപരിശീലകനായി ടീമിലുണ്ട്.
പുതിയ കോച്ചിനെ മാധ്യമങ്ങൾക്ക് പരിചയപ്പെടുത്തുന്നതിനായി കേരളാ ബ്ലാസ്റ്റേഴ്‌സ് വ്യാഴാഴ്ച്ച (ഏപ്രിൽ 3) കൊച്ചിയിൽ വാർത്താ സമ്മേളനം നടത്തും. ക്ലബ് സി.ഇ.ഒ അഭിജിത് ചാറ്റർജി, സ്‌പോർട്ടിംഗ് ഡയറക്ടർ കരോളിസ് സ്‌കിൻകിസ് എന്നിവരും വാർത്താ സമ്മേളനത്തിൽ പങ്കെടുക്കും.
സൂപ്പർ കപ്പിന് മുന്നോടിയായി ടീമിന്റെ തയ്യാറെടുപ്പുകളെക്കുറിച്ചും പുതിയ കോച്ചിന്റെ തന്ത്രങ്ങളെക്കുറിച്ചും മാധ്യമപ്രവർത്തകർക്ക് ചോദിച്ചറിയാനുള്ള അവസരമാണിത്.
സൂപ്പർ കപ്പിൽ മികച്ച പ്രകടനം കാഴ്ചവെയ്ക്കാൻ കേരളാ ബ്ലാസ്റ്റേഴ്‌സിന് കഴിയുമെന്നാണ് ആരാധകരുടെ പ്രതീക്ഷ.