ഇ​ട​വേ​ള​ക്കു​ശേ​ഷം ബ​യേ​ൺ തുടരും

നീ​ണ്ടു​പ​ര​ന്ന് കി​ട​ക്കു​ന്ന ക​രി​യ​റി​ൽ ഒ​ഴി​ഞ്ഞു​കി​ട​ക്കു​ന്നൊ​രു ഷെ​ൽ​ഫ്. അ​താ​യി​രു​ന്നു ക​ഴി​ഞ്ഞ ദി​വ​സം വ​രെ ഹാ​രി​കെ​യ്നെ​ന്ന ഇം​ഗ്ലീ​ഷ് താ​ര​ത്തി​ന്‍റെ സ​മ്പാ​ദ്യം. എ​ന്നാ​ൽ, ബ​യേ​ൺ മ്യൂ​ണി​ക്കി​ന്റെ ജ​ർ​മ​ൻ ബു​ണ്ട​സ് ലി​ഗ ചാ​മ്പ്യ​ൻ പ​ട്ട​ത്തോ​ടെ കെ​യ്നി​ന്‍റെ കി​രീ​ട മോ​ഹ​ത്തി​നു​ള്ള കാ​ത്തി​രി​പ്പ് കൂ​ടി​യാ​ണ​വ​സാ​നി​ച്ച​ത്. ഒ​രു വ​ർ​ഷ​ത്തെ ഇ​ട​വേ​ള​ക്കൊ​ടു​വി​ൽ ബു​ണ്ട​സ് ലീ​ഗ കി​രീ​ടം ബ​യേ​ണി​ലൂ​ടെ വീ​ണ്ടും മ്യൂ​ണി​ക്കി​ലെ​ത്തു​ക​യാ​ണ്.

ലീ​ഗ് ച​രി​ത്ര​ത്തി​ൽ 33ാം ത​വ​ണ​യാ​ണ് ബ​യേ​ൺ മ്യൂ​ണി​ക് ജ​ർ​മ​ൻ ക്ല​ബ് ഫു​ട്ബാ​ളി​ന്‍റെ അ​തി​കാ​യ​രാ​കു​ന്ന​ത്. 13 വ​ർ​ഷ​ത്തി​നി​ട​യി​ൽ ബ​യേ​ണി​ന്‍റെ 12ാം ലീ​ഗ് കി​രീ​ട​മാ​ണി​ത്. ക​ഴി​ഞ്ഞ വ​ർ​ഷ​ത്തെ ജേ​താ​ക്ക​ളും പോ​യ​ന്‍റ് ടേ​ബി​ളി​ലെ ര​ണ്ടാം സ്ഥാ​ന​ക്കാ​രു​മാ​യി​രു​ന്ന ബ​യേ​ർ ലെ​വ​ർ​കു​സ​ൻ ഞാ​യ​റാ​ഴ്ച ന​ട​ന്ന ക​ളി​യി​ൽ ഫ്രീ​ബ​ർ​ഗി​നോ​ട് സ​മ​നി​ല വ​ഴ​ങ്ങി​യ​തോ​ടെ​യാ​ണ് ബ​യേ​ൺ കി​രീ​ടം ഉ​റ​പ്പി​ച്ച​ത്.

32 ക​ളി​ക​ളി​ൽ നി​ന്നാ​യി 23 ജ​യ​വും ഏ​ഴു സ​മ​നി​ല​യും ര​ണ്ട് തോ​ൽ​വി​ക​ളു​മാ​യി 76 പോ​യ​ന്‍റാ​ണ് ടീ​മി​ന്‍റെ സ​മ്പാ​ദ്യം. 32 ക​ളി​ക​ളി​ൽ നി​ന്നാ​യി 19 ജ​യ​വും 11 സ​മ​നി​ല​യും ര​ണ്ട് തോ​ൽ​വി​ക​ളു​മാ​യി 68 പോ​യ​ന്‍റാ​ണ് ലെ​വ​ർ​കു​സ​നു​ള്ള​ത്. ഈ​യ​ടു​ത്ത കാ​ല​ത്തെ ഏ​റ്റ​വും മോ​ശം പ്ര​ക​ട​ന​മാ​യി​രു​ന്നു ക​ഴി​ഞ്ഞ സീ​സ​ണി​ൽ ബ​യേ​ണി​ന്‍റേ​ത് ന​ട​ത്തി​യ​ത്.

മൂ​ന്നാ​മ​താ​യി ടേ​ബി​ളി​ൽ ഫി​നി​ഷ് ചെ​യ്ത ബ​യേ​ണും കി​രീ​ടം ചൂ​ടി​യ ലെ​വ​ർ​കു​സ​നും ത​മ്മി​ലു​ണ്ടാ​യി​രു​ന്ന​ത് 18 പോ​യ​ന്‍റി​ന്‍റെ വ്യ​ത്യാ​സം. അ​തോ​ടെ നാ​ട്ടു​കാ​ര​നാ​യ കോ​ച്ച് തോ​മ​സ് തു​ഷേ​ൽ പ​ടി​ക്ക് പു​റ​ത്താ​യി. പ​ക​ര​മെ​ത്തി​യ​ത് ബെ​ൽ​ജി​യ​ത്തി​ൽ​നി​ന്നു​ള്ള വി​ൻ​സെ​ന്‍റ് കോം​പാ​നി. ബ​യേ​ണി​ലെ ത​ന്‍റെ അ​ര​ങ്ങേ​റ്റ വ​ർ​ഷ​ത്തി​ൽ ത​ന്നെ കോം​പാ​നി ന​ഷ്ട​പ്ര​താ​പം വീ​ണ്ടെ​ടു​ത്തു.

പെ​യ്ൻ+​ഗെ​യ്ൻ=​കെ​യ്ൻ

നീ​ണ്ട ഒ​ന്ന​ര​പ്പ​തി​റ്റാ​ണ്ടി​ന്‍റെ ക​ളി​ജീ​വി​ത​ത്തി​ൽ കാ​ൽ​പ​ന്ത് കൊ​ണ്ടൊ​രു വ​സ​ന്തം തീ​ർ​ത്തി​ട്ടും അ​ർ​ഹി​ച്ച അം​ഗീ​കാ​ര​ങ്ങ​ളൊ​ന്നും ഹാ​രി കെ​യ്നി​നെ തേ​ടി​യെ​ത്തി​യി​ല്ല. ടൂ​ർ​ണ​മെ​ന്‍റി​ലു​ട​നീ​ളം നി​റ​ഞ്ഞു​ക​ളി​ച്ച് ക​പ്പി​നും ചു​ണ്ടി​നു​മി​ട​യി​ൽ ന​ഷ്ട​പ്പെ​ട്ട ക​ഥ​ക​ളൊ​രു​പാ​ടു​ണ്ട് പ​റ​യാ​ൻ.

2010 മു​ത​ൽ 2023 വ​രെ ഇം​ഗ്ലീ​ഷ് ക്ല​ബാ​യ ടോ​ട്ട​ൻ​ഹാം ഹോ​ട്സ്പ​റി​ന്റെ താ​ര​മാ​യി​രു​ന്നു കെ​യ്ൻ. ടീ​മി​ന്റെ ച​രി​ത്രം ക​ണ്ട എ​ക്കാ​ല​ത്തെ​യും മി​ക​ച്ച താ​ര​ങ്ങ​ളി​ലൊ​രാ​ൾ. ക്ല​ബി​ന്റെ ഓ​ൾ ടൈം ​ടോ​പ് സ്കോ​റ​ർ. ടീ​മി​നാ​യി 435 മ​ത്സ​ര​ങ്ങ​ളി​ൽ നി​ന്ന് അ​ടി​ച്ചു​കൂ​ട്ടി​യ​ത് 280 ഗോ​ളു​ക​ൾ. പ്രീ​മി​യ​ർ ലീ​ഗി​ൽ മൂ​ന്നു​ത​വ​ണ ഗോ​ൾ​ഡ​ൻ ബൂ​ട്ട് ജേ​താ​വ്. എ​ന്നാ​ൽ, ഇ​തൊ​ന്നും അ​യാ​ളു​ടെ​യും ടീ​മി​ന്റെ​യും കി​രീ​ട​വ​ര​ൾ​ച്ച​ക്ക് അ​റു​തി​യു​ണ്ടാ​ക്കി​യി​ല്ല.

ഹാ​രി കെ​യ്ൻ

ഒ​രു പ​തി​റ്റാ​ണ്ടി​ല​ധി​കം ടോ​ട്ട​ൻ​ഹാം ജ​ഴ്സി​യ​ണി​ഞ്ഞി​ട്ടും താ​ര​ത്തി​ന് ടോ​ട്ട​ൻ​ഹാം ഷെ​ൽ​ഫി​ലേ​ക്ക് ഒ​രു കി​രീ​ടം എ​ത്തി​ക്കാ​നാ​യി​ല്ല. ത​ന്‍റെ രാ​ജ്യ​മാ​യ ഇം​ഗ്ല​ണ്ടി​ന്റെ വെ​ള്ള​ക്കു​പ്പാ​യ​ത്തി​ലും കാ​ര്യ​ങ്ങ​ൾ അ​ങ്ങ​നെ​യൊ​ക്കെ​ത്ത​ന്നെ​യാ​യി​രു​ന്നു. 2023ൽ ​ബ​യേ​ണി​ലെ​ത്തി​യ​തോ​ടെ കാ​ത്തി​രി​പ്പ് അ​വ​സാ​നി​ക്കു​മെ​ന്ന് എ​ല്ലാ​വ​രും ക​ണ​ക്കു​കൂ​ട്ടി.

അ​വി​ടെ​യും കെ​യ്നി​നെ ദു​ര​ന്തം വി​ട്ടൊ​ഴി​ഞ്ഞി​ല്ല. 11 വ​ർ​ഷം തു​ട​ർ​ച്ച​യാ​യി ജ​ർ​മ​ൻ രാ​ജാ​ക്ക​ന്മാ​രാ​യ ബ​യേ​ണി​ന് ആ ​സീ​സ​ണി​ൽ അ​ടി​തെ​റ്റി. അ​തോ​ടെ കെ​യ്നി​നെ ക​ളി​യാ​ക്ക​ലു​ക​ളും വേ​ട്ട​യാ​ട​ലും കൊ​ണ്ട് മൂ​ടി. ഹാ​രി കെ​യ്നും നി​ർ​ഭാ​ഗ്യ​വും ഒ​ന്നാ​ണെ​ന്നു​പോ​ലും പ​ല​രും പ​റ​ഞ്ഞു.

അ​വ​സാ​നം ആ ​ചോ​ദ്യ​ത്തി​ന് കാ​ലം ത​ന്നെ ഉ​ത്ത​രം ന​ൽ​കി​യി​രി​ക്കു​ന്നു. എ​ല്ലാ​മ​റി​യു​ന്ന ക​ളി​ദേ​വ​ത ഒ​ടു​വി​ൽ ക​ടാ​ക്ഷി​ച്ചി​രി​ക്കു​ന്നു. തോ​ൽ​വി​ക​ളു​ടെ നീ​ണ്ട ക​ഥ​ക​ള​റി​ഞ്ഞ കെ​യ്നി​ന്‍റെ ഭാ​ഗ്യ​ദേ​വ​ത കാ​ലാ​ന്ത​ര​ങ്ങ​ൾ​ക്കി​പ്പു​റം മി​ഴി തു​റ​ന്നു. അ​യാ​ൾ ആ​ഗ്ര​ഹ​ത്തെ പു​ൽ​കി​യി​രി​ക്കു​ന്നു. അ​ത്ര​മേ​ൽ മോ​ഹി​ച്ച കെ​യ്നി​ന്‍റെ ഷെ​ൽ​ഫും ഒ​രു കി​രീ​ട​ത്താ​ൽ പ്ര​ശോ​ഭി​ത​മാ​യി​രി​ക്കു​ന്നു.

from Madhyamam: Latest Malayalam news, Breaking news | മലയാളം വാർത്തകൾ