ഞായറാഴ്ച നടന്ന മത്സരത്തിനിടയിൽ ഗ്രൗണ്ടിലുണ്ടായ കൂട്ടിയിടിയെ തുടർന്ന് കാർഡിയോറെസ്പിറേറ്ററി അറസ്റ്റ് ബാധിച്ച ടെെനറീഫ് (Tenerife) സ്ട്രൈക്കർ ജെസസ് ഡി മിഗ്വൽ (തന്റെ 30-ാം വയസ്സിൽ അന്തരിച്ചു.)
കളി അവസാനിക്കാനുള്ള അധിക സമയത്ത് ആൻഡോറ ഗോൾകീപ്പർ ജീസസ് ഒവോണുവുമായുണ്ടായ കൂട്ടിയിടിയെ തുടർന്ന് ഗ്രൗണ്ടിൽ കുഴഞ്ഞുവീണ ഡി മിഗ്വലിന് മൈതാനത്ത് വെച്ച് തന്നെ പ്രാഥമിക ശുശ്രൂഷ നൽകിയ ശേഷം ആശുപത്രിയിലേക്ക് മാറ്റുകയായിരുന്നു.
പരസ്യം
സാന്താ ക്രൂസിലെ ഹോസ്പിറ്റൽ യൂണിവേഴ്സിറ്റാരിയോ ഡി ന്യൂസ്ട്രാ സെനോറ ഡി കാൻഡലേരിയയുടെ തീവ്രപരിചരണ വിഭാഗത്തിൽ ചികിത്സയിലായിരുന്ന അദ്ദേഹത്തിന്റെ ആരോഗ്യനില ഗുരുതരമാണെങ്കിലും ഭേദപ്പെട്ട നിലയിലാണെന്നാണ് ടെെനറീഫ് ആദ്യം അറിയിച്ചിരുന്നത്. എന്നാൽ ചൊവ്വാഴ്ച പുലർച്ചെയോടെ അദ്ദേഹത്തിന്റെ നാഡീവ്യൂഹത്തിന്റെ അവസ്ഥ വഷളായതായി ക്ലബ്ബ് വ്യക്തമാക്കി.
ചൊവ്വാഴ്ച രാവിലെ 8 മണിയോടെ അദ്ദേഹം അന്തരിച്ചതായി ക്ലബ്ബ് ഔദ്യോഗിക പ്രസ്താവനയിലൂടെ അറിയിച്ചു. “തകർന്ന മനസ്സോടെ, വാക്കുകളില്ലാതെ, വിശ്വസിക്കാൻ കഴിയാതെയാണ് സിഡി ടെെനറീഫ് ജെസസ് ഡി മിഗ്വൽ അലാമെഡയുടെ ദാരുണമായ വിയോഗം അറിയിക്കുന്നത്,” പ്രസ്താവനയിൽ പറയുന്നു.
“ആശ്വാസവാക്കുകളൊന്നുമില്ല. ഈ കടുത്ത ദുഃഖം ലഘൂകരിക്കാൻ ഒന്നിനും സാധിക്കില്ല.”
“തകർന്നടിഞ്ഞ അദ്ദേഹത്തിന്റെ കുടുംബാംഗങ്ങൾക്കും പ്രിയപ്പെട്ടവർക്കും, ഈ ക്രൂരമായ സംഭവത്തിൽ ദുഃഖിക്കുന്ന മുഴുവൻ ടെെനറീഫ് ഫുട്ബോൾ സമൂഹത്തിനും ഞങ്ങൾ ഒപ്പമുണ്ട്.”
“ഈ ദുഷ്കരമായ വേളയിൽ തങ്ങൾക്ക് ലഭിച്ച പിന്തുണയ്ക്കും ആശ്വാസ വാക്കുകൾക്കും എല്ലാവരോടും ജെസസ് ഡി മിഗ്വലിന്റെ കുടുംബം ഹൃദയപൂർവ്വം നന്ദി പറയുകയും തങ്ങളുടെ സ്വകാര്യത മാനിക്കണമെന്ന് അഭ്യർത്ഥിക്കുകയും ചെയ്യുന്നു.”
പരസ്യം
അദ്ദേഹത്തിന്റെ വിയോഗത്തിൽ സ്പാനിഷ് ഫുട്ബോളേഴ്സ് അസോസിയേഷനും അഗാധമായ ദുഃഖം രേഖപ്പെടുത്തി: “ഫുട്ബോളിനോടുള്ള അദ്ദേഹത്തിന്റെ അഭിനിവേശവും ഫുട്ബോൾ സമൂഹത്തോടുള്ള പ്രതിബദ്ധതയും സഹപ്രവർത്തകരുടെ അവകാശങ്ങൾക്കുവേണ്ടിയുള്ള പ്രവർത്തനങ്ങളും പങ്കിട്ട ഞങ്ങളുടെ ഇടയിൽ അദ്ദേഹത്തിന്റെ വേിയോഗം വലിയൊരു ശൂന്യത സൃഷ്ടിക്കുന്നു.”
“ബോർഡ് ഓഫ് ഡയറക്ടേഴ്സും എഎഫ്ഇയിലെ എല്ലാ ജീവനക്കാരും ഫുട്ബോൾ കളിക്കാർ ഒത്തായ്മയും ചേർന്ന് അദ്ദേഹത്തിന്റെ കുടുംബത്തിനും സുഹൃത്തുക്കൾക്കും പ്രിയപ്പെട്ടവർക്കും ക്ലബ്ബ് ഡെപ്പോർട്ടീവോ ടെെനറീഫിലെ സഹതാരങ്ങൾക്കും ഞങ്ങളുടെ അഗാധമായ അനുശോചനം അറിയിക്കുന്നു.”
“വളരെയധികം സങ്കടം നിറഞ്ഞ ഈ നിമിഷങ്ങളിൽ ഞങ്ങൾ ഞങ്ങളുടെ സ്നേഹവും പിന്തുണയും ഐക്യദാർഢ്യവും അറിയിക്കുന്നു. നിങ്ങൾ എപ്പോഴും ഞങ്ങളുടെ കുടുംബത്തിന്റെ ഭാഗമായിരിക്കും. ആത്മാവിന് നിത്യശാന്തി നേരുന്നു, സുഹൃത്തേ.”
ആൻഡോറ ക്ലബ്ബ് പുറത്തിറക്കിയ പ്രസ്താവനയിൽ ഇങ്ങനെ പറയുന്നു: “തകർന്ന ഹൃദയത്തോടെ, ജെസസ് ഡി മിഗ്വലിന്റെ കുടുംബത്തിനും അദ്ദേഹത്തിന്റെ എല്ലാ സഹതാരങ്ങൾക്കും സുഹൃത്തുക്കൾക്കും സിഡി ടെെനറീഫിനും ഞങ്ങളുടെ ഏറ്റവും ആത്മാർത്ഥമായ അനുശോചനം അറിയിക്കുന്നു. ആത്മാവിന് നിത്യശാന്തി നേരുന്നു.”
പരസ്യം
ഡി മിഗ്വൽ പന്തുമായി മുന്നേറുമ്പോൾ ഗോൾകീപ്പർ ഒവോണു മുന്നോട്ട് വന്ന് അദ്ദേഹവുമായി കൂട്ടിയിടിച്ച സമയത്ത് സ്കോർ നില 2-2 ആയിരുന്നു. കൂട്ടിയിടിയിൽ ഇരുവരും ബോധരഹിതരായി വീണു. ഡി മിഗ്വലിനെതിരെ ഫൗൾ ചെയ്തതിന് ഒവോണുവിന് നേരിട്ട് റെഡ് കാർഡ് ലഭിച്ചു. ഉടൻ തന്നെ ഒവോണുവുും ഇരു ടീമുകളിലെയും മറ്റ് കളിക്കാരും മെഡിക്കൽ സ്റ്റാഫും അദ്ദേഹത്തിന്റെ അരികിലേക്ക് ഓടിയെത്തുകയും തുടർന്ന് 30 കാരനായ താരത്തെ ആശുപത്രിയിലേക്ക് മാറ്റുകയും ചെയ്തു.
