2026-ലെ ലോകകപ്പിനുള്ള ബ്രസീൽ ഫൈനൽ ടീമിൽ ഇടംനേടിയ സന്തോഷം പങ്കുവെച്ച് ലിയോൺ സ്‌ട്രൈക്കർ എൻഡ്രിക്ക്. റയൽ മാഡ്രിഡിന്റെ ഉടമസ്ഥതയിലുള്ള താരമാണ് എൻഡ്രിക്ക്. തന്റെ സോഷ്യൽ മീഡിയ അക്കൗണ്ടിലൂടെയാണ് താരം ഈ നേട്ടത്തിലുള്ള നന്ദി രേഖപ്പെടുത്തിയത്.

തന്റെ ജീവിതത്തിലെ വലിയൊരു അവസരത്തോട് പ്രതികരിച്ചുകൊണ്ട് കൗമാര താരം കുറിച്ച വാക്കുകൾ ഇങ്ങനെ:

“ദൈവത്തിന് നന്ദി, നീ അതിസുന്ദരനാണ്! ലോകത്തിലെ ഏറ്റവും മികച്ച ദേശീയ ടീമിനൊപ്പം എന്റെ ആദ്യ ലോകകപ്പ്. ഈ നിമിഷത്തിന് ദൈവത്തോട് മാത്രം നന്ദി പറയാൻ എനിക്ക് കഴിയൂ. ഇപ്പോൾ നമ്മുടെ രാജ്യത്തെ പ്രതിനിധീകരിക്കാനുള്ള സമയമാണ്! നമുക്ക് ഒരുമിച്ച് എപ്പോഴും നമ്മുടെ പരമാവധി നൽകാം!”

ഫ്രാൻസിലെ ലിയോണിനായുള്ള മികച്ച പ്രകടനത്തിന് പിന്നാലെയാണ് താരത്തിന് ലോകകപ്പ് ടീമിലേക്ക് വിളി ലഭിച്ചത്. ഈ സീസണിന്റെ രണ്ടാം പകുതിയിൽ ലിയോണിൽ ചേർന്നതിന് ശേഷം, ലീഗ് 1-ൽ 16 മത്സരങ്ങളിൽ നിന്ന് 5 ഗോളുകളും 7 അസിസ്റ്റുകളും നേടി താരം വലിയ സ്വാധീനം ചെലുത്തിയിരുന്നു.