ബർൺലിക്കെതിരെ 1-0 എന്ന സ്‌കോറിന് വിജയിച്ചതിന് പിന്നാലെ പ്രീമിയർ ലീഗ് കിരീടത്തിലേക്ക് അടുക്കുന്ന ആഴ്സണലിനോട് ജാഗ്രത പാലിക്കാൻ നിർദ്ദേശിച്ച് ഡെക്ലാൻ റൈസ് രംഗത്ത്.

സീസണിലെ അവസാന മത്സരത്തിൽ ക്രിസ്റ്റൽ പാലസിനെ നേരിടാൻ ഒരുങ്ങുന്ന ആഴ്സണൽ ഇപ്പോൾ കിരീടത്തിന് ഒരു വിജയം മാത്രം അകലെയാണ്. അതേസമയം, മാഞ്ചസ്റ്റർ സിറ്റിയും കിരീടപ്പോരാട്ടത്തിൽ സജീവമായി തുടരുന്നു.

മികച്ച നിലയിലാണെങ്കിലും ടീം അമിതാവേശം കാണിക്കരുതെന്ന് റൈസ് ഓർമ്മിപ്പിച്ചു.

“അങ്ങനെ പറയരുത്. ഫുട്ബോൾ എങ്ങനെയാണെന്ന് എനിക്കറിയാം. നാളെ ഒരു മത്സരമുണ്ട്, അതിൽ എന്ത് വേണമെങ്കിലും സംഭവിക്കാം. നമുക്ക് അമിതാവേശം പാടില്ല. പ്രീമിയർ ലീഗിൽ ദീർഘകാലമായി കളിക്കുന്ന എനിക്കറിയാം കാര്യങ്ങൾ എപ്പോൾ വേണമെങ്കിലും മാറാമെന്ന്. നമ്മുടെ നിയന്ത്രണത്തിലുള്ള കാര്യം ഞായറാഴ്ച ഇറങ്ങി മത്സരം ജയിക്കുക എന്നത് മാത്രമാണ്. ക്ലബ്ബിന് ഈ കിരീടം എത്രത്തോളം പ്രധാനമാണെന്ന് നമുക്കറിയാം,” റൈസ് വ്യക്തമാക്കി.

“സത്യസന്ധമായി പറഞ്ഞാൽ, കിരീടം നേടാൻ നമ്മൾ അർഹരാണ്. ഈ സീസൺ നമ്മുടെ സീസൺ തന്നെയാണ്. എന്നാൽ മാഞ്ചസ്റ്റർ സിറ്റി അവിശ്വസനീയമായ പ്രകടനമാണ് നടത്തുന്നത്. പെപ്പിന് കീഴിൽ അവരെ ഒരിക്കലും എഴുതിത്തള്ളാനാവില്ല. നമ്മൾ വളരെ മികച്ചൊരു സ്ഥാനത്താണ് എത്തിനിൽക്കുന്നത്, മുന്നോട്ട് പോകുക എന്നത് മാത്രമാണ് ഞാൻ ആവർത്തിക്കുന്നത്.”

“ഇനി ഒരു മത്സരം കൂടിയേ ഉള്ളൂ. 38 മത്സരങ്ങൾ പൂർത്തിയാകാൻ പോകുന്നു. അവസാനം നമുക്ക് ചാമ്പ്യന്മാരാണെന്ന് പറയാം. എന്നാൽ ഞായറാഴ്ച കളിക്കളത്തിൽ മികവ് കാട്ടേണ്ടതുണ്ട്. കാരണം ക്രിസ്റ്റൽ പാലസിനെതിരായ മത്സരം അത്ര എളുപ്പമായിരിക്കില്ല,” അദ്ദേഹം പറഞ്ഞു.