ഈ സീസണിലുടനീളം കളിക്കാർ കാണിച്ച മനോഭാവത്തിൽ താൻ ഏറെ സന്തുഷ്ടനാണെന്നും, ഇത് അസാധാരണമാണെന്നും എൻറികെ പറഞ്ഞു. “പ്രതിസന്ധികളെ അതിജീവിക്കാനുള്ള കഴിവ് (Resilience) ഞാൻ ഇഷ്ടപ്പെടുന്നു. ലെൻസ് വളരെ മികച്ച പ്രകടനമാണ് കാഴ്ചവെച്ചത്. തുടർച്ചയായ വിജയങ്ങൾ അവർ നേടിയത് കാര്യങ്ങളെ മാറ്റിമറിച്ചു,” എൻറികെ വ്യക്തമാക്കി.

ഫൈനലിൽ പിഎസ്ജി ഫേവറിറ്റുകളാണോ എന്ന ചോദ്യത്തിന്, ആദ്യം മത്സരക്രമവുമായി പൊരുത്തപ്പെടുകയാണ് വേണ്ടതെന്നായിരുന്നു അദ്ദേഹത്തിന്റെ മറുപടി. ഫ്രഞ്ച് കപ്പ് ഫൈനലിൽ ടീം കളിക്കുന്നില്ലെന്നും അദ്ദേഹം ചൂണ്ടിക്കാട്ടി.

“അടുത്ത രണ്ടാഴ്ചയ്ക്കുള്ളിൽ ഞങ്ങൾ തയ്യാറെടുപ്പുകൾ നടത്തണം. പ്രതിരോധത്തിലും ആക്രമണത്തിലും ശ്രദ്ധ കേന്ദ്രീകരിക്കുന്നതിനായി തന്ത്രപരമായ പരിശീലനത്തിന് ഞങ്ങൾക്ക് സമയം ലഭിക്കും. അതിനായി ഞങ്ങൾ പ്രവർത്തിക്കും. ഫൈനലിനായി താരങ്ങളെ ശാരീരികമായും സാങ്കേതികമായും മികച്ച അവസ്ഥയിലെത്തിക്കുക എന്നതാണ് ഞങ്ങളുടെ ലക്ഷ്യം,” എൻറികെ കൂട്ടിച്ചേർത്തു.