ക്രിസ്റ്റൽ പാലസിന്റെ പുതിയ പരിശീലകനാകാൻ അന്ദോണി ഇറോല; ധാരണയിലെന്ന് റിപ്പോർട്ട്
അടുത്ത സീസണിന് മുന്നോടിയായി ക്രിസ്റ്റൽ പാലസിന്റെ പുതിയ മാനേജർ സ്ഥാനത്തേക്ക് അന്ദോണി ഇറോല എത്തുമെന്ന് റിപ്പോർട്ട്.
സ്പെയിനിലെ എൽ ചിരിംഗുയിറ്റോയുടെ റിപ്പോർട്ടുകൾ പ്രകാരം, നിലവിൽ ബോൺമൗത്തിന്റെ പരിശീലകനായ ഇറോല ഈ വേനൽക്കാലത്ത് സെൽഹർസ്റ്റ് പാർക്കിൽ ചുമതലയേൽക്കുന്നതിനുള്ള അന്തിമ ചർച്ചകളിലാണ്.
ബോൺമൗത്തുമായുള്ള കരാർ നീട്ടേണ്ടെന്ന് തീരുമാനിച്ച ഇറോല, ഈ സീസണിന് ശേഷം ക്ലബ് വിടുമെന്നാണ് സൂചന.
പുതിയ സ്ഥിരം പരിശീലകനെ തേടുന്ന ചെൽസി ഉൾപ്പെടെയുള്ള നിരവധി ക്ലബ്ബുകൾ കഴിഞ്ഞ മാസങ്ങളിൽ ഇറോലയെ സമീപിച്ചിരുന്നു.
ഈ സീസണോടെ ക്ലബ്ബ് വിടുന്ന ഒലിവർ ഗ്ലാസ്നർക്ക് പകരക്കാരനെ കണ്ടെത്താനുള്ള തിരക്കിലാണ് ക്രിസ്റ്റൽ പാലസ്. നിലവിൽ മാനേജർ സ്ഥാനത്തേക്ക് ക്ലബ്ബിന്റെ പ്രധാന പരിഗണനയിലുള്ളത് ഇറോലയാണ്.