ശനിയാഴ്ച നടന്ന മത്സരത്തിൽ ലൂയിസ് എൻറിക്കെയുടെ പി.എസ്.ജിക്ക് ലോറിയന്റിനെതിരെ സമനില കൊണ്ട് തൃപ്തിപ്പെടേണ്ടി വന്നു. സ്വന്തം തട്ടകത്തിൽ നടന്ന മത്സരത്തിൽ ഇരു ടീമുകളും 2-2 എന്ന നിലയിലാണ് മത്സരം അവസാനിപ്പിച്ചത്.

മത്സരശേഷം പ്രതികരിക്കവേ, ഫുട്ബോൾ ഇങ്ങനെയാണെന്നും ലോറിയന്റിന്റെ കളിരീതി തനിക്ക് ഇഷ്ടപ്പെട്ടുവെന്നും എൻറിക് പറഞ്ഞു.

“കുറച്ചു മാത്രം അവസരങ്ങൾ ലഭിക്കുന്ന കളിക്കാരെ വെച്ചാണ് ഞങ്ങൾ ഇന്ന് കളിച്ചത്. വിജയം അർഹിച്ചിരുന്നെങ്കിലും നിർഭാഗ്യവശാൽ അത് സാധ്യമായില്ല,” എൻറിക് കൂട്ടിച്ചേർത്തു.

മത്സരഫലത്തിൽ തനിക്ക് അതൃപ്തിയുണ്ടെന്ന് വ്യക്തമാക്കിയാണ് അദ്ദേഹം സംസാരിച്ചത്.

“ഞാൻ ഇന്ന് തൃപ്തനാണോ? അല്ല,” എൻറിക് പറഞ്ഞു.

മത്സരത്തിൽ വിജയിക്കാൻ സാധിക്കാത്തപ്പോൾ തൃപ്തനായിരിക്കാൻ കഴിയില്ല. അല്ലാത്തപക്ഷം, നിങ്ങൾക്ക് ഒരു മികച്ച പരിശീലകനായി തുടരാനാകില്ലെന്നും എൻറിക് പറഞ്ഞു.