ആഴ്സണലിന് സൗഹൃദ മത്സരത്തിൽ വീണ്ടും തോൽവി; ഗ്യോകറസിന്റെ അരങ്ങേറ്റം നിറംമങ്ങി

പുതിയ സീസണിന് മുന്നോടിയായുള്ള സൗഹൃദ മത്സരത്തിൽ ആഴ്സണലിന് വീണ്ടും തിരിച്ചടി. സ്പാനിഷ് ക്ലബ്ബ് വിയ്യറയലാണ് ഗണ്ണേഴ്സിനെ രണ്ടിനെതിരെ മൂന്ന് ഗോളുകൾക്ക് തകർത്തത്. ആഴ്സണലിന്റെ പുതിയ സൈനിംഗ് ആയ സ്വീഡിഷ് സ്ട്രൈക്കർ വിക്ടർ ഗ്യോകറസ് ആദ്യമായി ആദ്യ ഇലവനിൽ ഇറങ്ങിയ മത്സരമായിരുന്നു ഇത്, എന്നാൽ താരത്തിൻ്റെ അരങ്ങേറ്റത്തിന് വിജയത്തിളക്കം നൽകാൻ ടീമിനായില്ല.

മത്സരം തുടങ്ങി 16-ാം മിനിറ്റിൽ തന്നെ വിയ്യറയൽ ലീഡ് നേടി. ആഴ്സണലിന്റെ മുൻ താരം കൂടിയായ നിക്കോളാസ് പെപ്പെയാണ് തന്റെ പഴയ ക്ലബ്ബിൻ്റെ വല കുലുക്കിയത്. ആദ്യ ഗോളിൻ്റെ ഞെട്ടൽ മാറും മുമ്പേ 33-ാം മിനിറ്റിൽ എറ്റാ എയോങ്ങിലൂടെ അവർ ലീഡ് രണ്ടാക്കി ഉയർത്തി. എന്നാൽ പെട്ടെന്നുതന്നെ ആഴ്സണൽ മത്സരത്തിലേക്ക് തിരികെ വന്നു. 36-ാം മിനിറ്റിൽ ടീമിന്റെ മറ്റൊരു പുതിയ താരമായ ക്രിസ്റ്റ്യൻ നോർഗാർഡ് നേടിയ ഗോളിലൂടെ അവർ സ്കോർ 2-1 എന്ന നിലയിലെത്തിച്ചു.

രണ്ടാം പകുതിയിലും ആധിപത്യം തുടർന്ന വിയ്യറയലിനുവേണ്ടി ഡാൻജുമ മൂന്നാം ഗോൾ നേടി വിജയമുറപ്പിച്ചു. കളിയുടെ അവസാന നിമിഷങ്ങളിൽ ഒരു പെനാൽറ്റിയിലൂടെ ക്യാപ്റ്റൻ മാർട്ടിൻ ഒഡേഗാർഡ് ഒരു ഗോൾ മടക്കിയെങ്കിലും ആഴ്സണൽ വിയ്യറയൽ ഫലം തോൽവിയിൽ കലാശിക്കുകയായിരുന്നു. കഴിഞ്ഞ ആഴ്ച ടോട്ടനത്തിനെതിരെ നടന്ന മത്സരത്തിലും ആഴ്സണൽ പരാജയപ്പെട്ടിരുന്നു.

ഏറെ പ്രതീക്ഷയോടെ ആരാധകർ ഉറ്റുനോക്കിയിരുന്ന വിക്ടർ ഗ്യോകറസ് അരങ്ങേറ്റം നിരാശയായി മാറി. ഒരു മണിക്കൂറിലധികം കളിക്കളത്തിലുണ്ടായിരുന്നെങ്കിലും ഗോൾ നേടാനോ മികച്ച മുന്നേറ്റങ്ങൾ നടത്താനോ താരത്തിനായില്ല. തുടർച്ചയായ രണ്ടാം തോൽവിയോടെ, പുതിയ സീസൺ ആരംഭിക്കാനിരിക്കെ ടീമിന്റെ പ്രകടനത്തിൽ ആരാധകർക്ക് ആശങ്കയുണ്ട്. ഈ സൗഹൃദ ഫുട്ബോൾ മത്സരം 2025 ലെ തോൽവികൾ പരിഹരിച്ച് ശക്തമായി തിരിച്ചുവരാനാകും ആഴ്സണലിൻ്റെ അടുത്ത ശ്രമം.