അവസാന മിനിറ്റിൽ രക്ഷകനായി ന്യൂനസ്; ലിവർപൂളിന് വിജയം

ലണ്ടൻ: പ്രീമിയർ ലീഗിൽ ബ്രെന്റ്ഫോർഡിനെതിരെ നാടകീയമായ രണ്ട് ഗോളുകൾ നേടി ഡാർവിൻ ന്യൂനസ് ലിവർപൂളിനെ വിജയത്തിലേക്ക് നയിച്ചു. അധിക സമയത്ത് നേടിയ ഈ ഗോളുകൾ ലിവർപൂളിനെ പോയിന്റ് പട്ടികയിൽ ഏഴ് പോയിന്റ് മുമ്പിലെത്തിച്ചു.

ആദ്യ പകുതിയിൽ ഇരു ടീമുകളും ഗോൾരഹിത സമനിലയിൽ പിരിഞ്ഞു. രണ്ടാം പകുതിയിലും ഇരു ടീമുകളും നിരവധി അവസരങ്ങൾ സൃഷ്ടിച്ചെങ്കിലും ഗോളുകൾ നേടാനായില്ല. എന്നാൽ അധിക സമയത്തിന്റെ ആദ്യ മിനിറ്റിൽ ട്രെന്റ് അലക്‌സാണ്ടർ-അർനോൾഡിന്റെ ക്രോസിൽ നിന്ന് ന്യൂണസ് ലിവർപൂളിനെ മുന്നിലെത്തിച്ചു. രണ്ട് മിനിറ്റ് കഴിഞ്ഞ് മറ്റൊരു ഗോൾ കൂടി നേടി ന്യൂനസ് ലിവർപൂളിന്റെ വിജയം ഉറപ്പിച്ചു.

ഈ വിജയത്തോടെ ലിവർപൂൾ 21 മത്സരങ്ങളിൽ നിന്ന് 50 പോയിന്റുമായി ഒന്നാം സ്ഥാനത്ത് തുടരുന്നു. രണ്ടാം സ്ഥാനത്തുള്ള ആഴ്‌സണലിന് 21 മത്സരങ്ങളിൽ നിന്ന് 43 പോയിന്റാണുള്ളത്.

ന്യൂണസിന്റെ ഗോളുകൾ ലിവർപൂൾ ആരാധകർക്ക് വലിയ ആശ്വാസമായി. കഴിഞ്ഞ മൂന്ന് ലീഗ് മത്സരങ്ങളിൽ ലിവർപൂളിന് ജയിക്കാനായിരുന്നില്ല. മാഞ്ചസ്റ്റർ യുണൈറ്റഡുമായും നോട്ടിംഗ്ഹാം ഫോറസ്റ്റുമായും സമനിലയിൽ പിരിഞ്ഞ ലിവർപൂൾ ഇംഗ്ലീഷ് ലീഗ് കപ്പ് സെമിഫൈനലിന്റെ ആദ്യ പാദത്തിൽ ടോട്ടൻഹാമിനോട് പരാജയപ്പെട്ടിരുന്നു.