സൈനിങ്ങുകൾ കാര്യമായി ഇല്ല, ടീം വിട്ടത് നെടുംതൂണുകൾ; ഐ.എസ്.എല്ലിലെ അനിശ്ചിതത്വം കേരള ബ്ലാസ്റ്റേഴ്സിലും

കൊ​ച്ചി: ഐ.​എ​സ്.​എ​ൽ 2025-26 സീ​സ​ണി​ലെ അ​നി​ശ്ചി​താ​വ​സ്ഥ കേ​ര​ള ബ്ലാ​സ്റ്റേ​ഴ്സി​നെ​യും ബാ​ധി​ക്കു​ന്നു. ഇ​തി​ന​കം ബ്ലാ​സ്റ്റേ​ഴ്സി​ന്‍റെ എ​ണ്ണം പ​റ​ഞ്ഞ താ​ര​ങ്ങ​ളി​ൽ പ​ല​രും കൂ​ടു​വി​ട്ട് പോ​യി. എ​ന്നാ​ൽ, ഇ​തി​ന​നു​സ​രി​ച്ച് പു​തി​യ സൈ​നി​ങ്ങൊ​ന്നും കാ​ര്യ​മാ​യി ന​ട​ന്നി​ട്ടി​ല്ല.

ഐ.​എ​സ്.​എ​ൽ ഇ​ത്ത​വ​ണ ന​ട​ക്കു​മോ​യെ​ന്ന ച​ർ​ച്ച കാ​യി​ക​ലോ​ക​ത്ത് ചൂ​ടു​പി​ടി​ക്കു​മ്പോ​ഴും മ​റ്റു മു​ൻ​നി​ര ക്ല​ബു​ക​ളെ​ല്ലാം കൃ​ത്യ​മാ​യ സൈ​നി​ങ് ന​ട​ത്തു​ക​യും പ​രി​ശീ​ല​നം തു​ട​ങ്ങു​ക​യും ചെ​യ്തി​ട്ടു​ണ്ട്. എ​ന്നാ​ൽ, പു​തി​യ സീ​സ​ണി​ലേ​ക്ക്​ മൂ​ന്നു​പേ​രെ മാ​ത്ര​മാ​ണ് പു​തു​താ​യി കേ​ര​ള ബ്ലാ​സ്റ്റേ​ഴ്സ് ടീ​മി​ലെ​ടു​ത്തി​ട്ടു​ള്ള​ത്. പ്ര​തി​രോ​ധ താ​ര​ങ്ങ​ളാ​യ അ​മെ​യ് ര​ണ​വാ​ഡെ, സു​മി​ത് ശ​ർ​മ, ഗോ​ൾ​കീ​പ്പ​ർ അ​ർ​ഷ് ഷെ​യ്ഖ് എ​ന്നി​വ​രാ​ണ് പു​തു​താ​യി ടീ​മി​ൽ ഇ​ടം​പി​ടി​ച്ച​ത്.

എ​ന്നാ​ൽ, ക്ല​ബ് വി​ട്ടു​പോ​യ​വ​രെ​ല്ലാം ടീ​മി​ന്‍റെ നെ​ടും​തൂ​ണു​ക​ളാ​യി​രു​ന്നു. സാ​ധാ​ര​ണ​ഗ​തി​യി​ൽ പ്രീ ​സീ​സ​ൺ പ​രി​ശീ​ല​നം തു​ട​ങ്ങേ​ണ്ട സ​മ​യ​മാ​യി​ട്ടും ബ്ലാ​സ്റ്റേ​ഴ്സ് ഇ​ത്ത​വ​ണ ഇ​റ​ങ്ങി​യി​ട്ടി​ല്ല. സ്പാ​നി​ഷ് സൂ​പ്പ​ർ സ്ട്രൈ​ക്ക​ർ ജീ​സ​സ് ജെ​മി​നി​സ്, മോ​ണ്ടി​നെ​ഗ്ര​ൻ പ്ര​തി​രോ​ധ ഭ​ട​ൻ മി​ലോ​സ് ഡ്രി​ൻ​സി​ച്ച്, ഘാ​ന ഫു​ട്ബാ​ളി​ന്‍റെ ക​രു​ത്താ​യി​രു​ന്ന ക്വാ​മെ പെ​പ്ര തു​ട​ങ്ങി​യ വി​ദേ​ശ താ​ര​ങ്ങ​ളാ​ണ് ക​ഴി​ഞ്ഞ കു​റ​ച്ചു​കാ​ല​ത്തി​നി​ടെ ബ്ലാ​സ്റ്റേ​ഴ്സി​ൽ​നി​ന്ന് പ​ടി​യി​റ​ങ്ങി​യ​ത്. കൂ​ടാ​തെ ഇ​ഷാ​ൻ പ​ണ്ഡി​ത, ഗോ​ൾ​കീ​പ്പ​ർ ക​മ​ൽ​ജീ​ത് സി​ങ് എ​ന്നി​വ​രും ടീം ​വി​ട്ടു.

ഐ.​എ​സ്.​എ​ൽ ന​ട​ക്കു​മോ​യെ​ന്ന് ഉ​റ​പ്പി​ല്ലാ​ത്ത സാ​ഹ​ച​ര്യ​ത്തി​ലാ​ണ് ക​ഴി​ഞ്ഞ സീ​സ​ണി​ൽ ടോ​പ് സ്കോ​റ​റാ​യ ജെ​മി​നി​സ് ക്ല​ബി​ൽ നി​ന്നി​റ​ങ്ങി​യ​ത്. നി​ല​വി​ൽ നാ​യ​ക​നാ​യ അ​ഡ്രി​യാ​ൻ ലൂ​ണ, മൊ​റോ​ക്ക​ൻ മു​ന്നേ​റ്റ​താ​രം നോ​ഹ സ​ദൂ​യി, ഇ​ക്ക​ഴി​ഞ്ഞ ജ​നു​വ​രി​യി​ൽ ടീ​മി​ലെ​ത്തി​യ മോ​ണ്ടി​നെ​ഗ്ര​ൻ താ​രം ദു​സാ​ൻ ല​ഗാ​റ്റോ​ർ തു​ട​ങ്ങി വി​ര​ലി​ലെ​ണ്ണാ​വു​ന്ന വി​ദേ​ശ​താ​ര​ങ്ങ​ൾ മാ​ത്ര​മേ ക്ല​ബി​ൽ തു​ട​രു​ന്നു​ള്ളൂ. ഇ​വ​രും ഭാ​വി​യെ​ക്കു​റി​ച്ച് ക​ടു​ത്ത ആ​ശ​ങ്ക​യി​ലാ​ണെ​ന്നാ​ണ് സൂ​ച​ന.

മ​റ്റു ക്ല​ബു​ക​ളി​ൽ​നി​ന്ന് ഓ​ഫ​ർ വ​ന്നി​ട്ടും 2027 വ​രെ ക​രാ​റു​ള്ള ലൂ​ണ ക്ല​ബി​ൽ തു​ട​രു​ക​യാ​ണ്. എ​ന്നാ​ൽ, ഐ.​എ​സ്.​എ​ല്ലി​ന്‍റെ ഭാ​വി​ത​ന്നെ അ​നി​ശ്ചി​ത​ത്വ​ത്തി​ലാ​യ സ്ഥി​തി​ക്ക് ലൂ​ണ​യും സ​ദൂ​യി​യും തു​ട​രു​മോ​യെ​ന്ന കാ​ര്യ​ത്തി​ൽ ആ​രാ​ധ​ക​ർ​ക്ക്​ ആ​ശ​ങ്ക​യു​ണ്ട്. ഐ.​എ​സ്.​എ​ൽ പ്ര​തി​സ​ന്ധി പ​രി​ഹ​രി​ക്ക​ണ​മെ​ന്ന് ബ്ലാ​സ്റ്റേ​ഴ്സ് ആ​രാ​ധ​ക കൂ​ട്ടാ​യ്മ​യാ​യ മ​ഞ്ഞ​പ്പ​ട ക​ഴി​ഞ്ഞ ദി​വ​സം എ.​ഐ.​എ​ഫ്.​എ​ഫി​നോ​ടും കേ​ന്ദ്ര കാ​യി​ക, യു​വ​ജ​ന മ​ന്ത്രാ​ല​യ​ത്തോ​ടും ആ​വ​ശ്യ​പ്പെ​ട്ടി​രു​ന്നു.

കെ.​ബി.​എ​ഫ്.​സി​യും മ​ഞ്ഞ​പ്പ​ട​യും ചേ​ർ​ന്ന് ന​ട​ത്തി​യ യോ​ഗ​ത്തി​ലും ഐ.​എ​സ്.​എ​ൽ അ​നി​ശ്ചി​താ​വ​സ്ഥ​യു​ൾ​പ്പെ​ടെ ച​ർ​ച്ച​യാ​യി​രു​ന്നു. ഇ​തി​നി​ടെ തു​ട​ങ്ങാ​ൻ അ​ൽ​പം വൈ​കി​യാ​ലും സീ​സ​ൺ മു​ട​ങ്ങി​ല്ലെ​ന്ന ശു​ഭ​പ്ര​തീ​ക്ഷ​യി​ലാ​ണ് ആ​രാ​ധ​ക​രി​ൽ ഒ​രു​വി​ഭാ​ഗം. പ്ര​ശ്നം പ​രി​ഹ​രി​ച്ച് ഡി​സം​ബ​റി​ൽ സീ​സ​ൺ ആ​രം​ഭി​ക്കു​മെ​ന്നാ​ണ് പ്ര​തീ​ക്ഷ.

from Madhyamam: Latest Malayalam news, Breaking news | മലയാളം വാർത്തകൾ